湯家驊秘密金庫瞞足8年
湯家驊秘密金庫瞞足8年【東方日報專訊】公民黨立法會議員湯家驊日前被踢爆，向立法會漏報持有公民黨總部物業的公司股份利益，本報進一步偵查揭發，原來他還另持七間本地及海外公司，用作持有多項物業、股票及高爾夫球會會籍等價值連城的資產。大部分公司湯家驊已持有十多年，其中一間在西非國家利比里亞註冊的公司更持有逾卅年，但他在過去近八年議員任期，一直違規無向立會申報，直至上月中、即現屆立會會期將近屆滿時才補做申報，令人質疑他刻意向公眾隱瞞該個「秘密金庫」，「呃足市民八年」。學者質疑湯家驊等到選舉前才忽然向立會申報，似是想「自我消毒」，避免醜聞被揭後影響選情。
現屆立會的四年會期剛於上月十八日完結，本報發現湯家驊於會期結束前五天、即七月十三日，才急急向立會補交資料，申報自己擁有七間公司。本報向公司註冊處翻查資料，發現該七間公司有四間為本地公司、三間為海外公司，後者難以追查背後的實質擁有人。
大部分公司已成立逾十年，其中一間本地公司「Archway Realty Ltd.」早於七九年成立、八○年轉讓給湯家驊及其太太湯楊蕙蘭，到八八年湯家驊再將自己的所有股權及新發行股份，讓給一間在利比里亞註冊、主要持股人相信同為湯家驊的「T&T Holding Inc.」，明顯於當年已有意隱瞞該等資產。而「T&T Holding Inc.」旗下再間接擁另外四間本地公司，其中三間本地公司湯太亦有股份。據悉，湯家驊以該七間公司持有不少名貴資產，包括多項投資及出租的物業、價值不菲的基金及股票戶口，還有最少兩個名貴高爾夫球會會籍，包括清水灣及觀瀾湖高爾夫球會。
死撐私人資產 「以為唔使報」
根據立會議員利益申報守則，議員須於股權有變動後十四天內，主動向立會申報持股量多於百分之一的公司股份，不論是公共或私營公司、或者代配偶或未成年子女持有都要申報。在○四年起擔任議員的湯家驊，在過去近八年一直違規漏報。
湯家驊昨日接受本報查詢時，直認在過去兩屆近八年任期一直漏報利益，願向公眾公開致歉，但他同時推說該七間公司全是其個人或家族公司，用作持有物業、股票及高球會會籍等個人及家族資產，「係好私人嘅嘢」，不涉及任何商業性運作，故一直未有申報；直至七月中民主黨主席何俊仁被揭漏報與弟婦共同擁有的公司股份，他才想起此事及要求助理翻查自己有否申報，「佢返嚟話無報，於是我即刻報番，事實上係我漏報咗，好對唔住，我要對公眾致歉。」湯家驊又辯稱今次僅屬「技術性」漏報，強調事件不涉誠信問題，相信其選民會接受其過失：「如果話我係一個完人，我都係呃緊我嘅選民。」
「身為大狀 點會唔知規則？」
城大專業進修學院學術統籌宋立功指，利益申報制度望藉議員申報讓公眾得悉議員有否涉任何利益衝突：「如果話私人嘢就唔使申報，咁好多嘢都唔使報，佢名下有咩物業、有咩資產，公眾到現時都唔知。」宋立功又特別指出，湯家驊為資深大律師，應清楚利益申報定義，若他認為持有七間公司沒任何利益衝突，「點解又要最後關頭申報呢？」
湯家驊已報名參加立會新界東直選，同區候選名單有陳克勤、葛珮帆、葉偉明、龐愛蘭、田北俊、劉慧卿、黃成智、蔡耀昌、梁國雄、張超雄、范國威、陳志全、方國珊、邱榮光、何民傑、梁安琪、陳國強及龐一鳴。
湯家驊的立法會利益申報資料
你（本人或連同配偶或未成年子女，或本人代表配偶或未成年子女）是否持有任何公共或私營公司面值超過已發行股本百分之一的股份？08年9月29日：否12年7月13日：Arechway Realty Ltd.*T&T Investment Ltd.T&T（Holding）Ltd.*T&T（Trustee）Inc.Trueworth Ltd.Happy Prince Ltd.Progress Well Ltd.註：湯家驊申報時串錯該兩間公司的英文名，真名應為Archway Realty Ltd.及T&T（Holding）Inc.。
http://www2.news.sina.com.hk/news/2/1/1/2744167/1.html
申報公司串錯名阻記者追查
【東方日報專訊】【本報訊】與民主黨主席何俊仁一樣，公民黨立法會議員湯家驊選擇在立法會四年會期臨近結束前，才「補漏」申報持有多達七間公司的股份利益，令公眾及其他議員難以對他進行調查和懲處。湯家驊今次申報的七間公司，更有兩間「串錯名」，使傳媒追查時加倍困難，令人質疑他是處心積慮報漏兼報錯，刻意混淆視聽。
臨尾「補漏」避懲處
根據立會議員申報利益守則，公眾可就議員漏報利益作出投訴，由各黨派議員合組的議員個人利益監察委員會處理，本身已是「自己人查自己人」。而且該制度只針對現任議員在現屆會期的漏報行為，湯家驊在今年七月十三日、即現屆立會會期結束前五日才補做申報，雖然變相證實他在過去近八年議員任期都漏報利益，但公眾及其他議員已「冇仇報」。
此外，立會要求議員的利益申報資料須準確無誤，但湯家驊以英文申報的七間公司，竟有兩間串錯字，包括將Archway Realty Ltd.寫成Arechway Realty Ltd.，以及將T&T （Holding）Inc.寫成T&T（Holding） Ltd.，令記者查閱公司註冊處資料時，一度查不到有關公司或「誤中副車」。幸好湯家驊準確申報的其他公司的註冊資料，亦有顯示該兩間公司的名字，記者才能將湯家驊的「秘密金庫」完整曝光。
http://www2.news.sina.com.hk/news/2/1/1/2744165/1.html
湯家驊與記者對答實錄
【東方日報專訊】問：你喺七月中向立法會申報咗七間公司嘅股份，之前咁多年係咪漏報？
答：我係漏報咗，呢啲全部係我私人公司，我屋企嘅嘢，今屆確係漏報咗。當時何俊仁被揭發漏報咗（與弟婦同共擁有的公司股份），當時我就即刻叫我助理check check（翻查），佢返嚟話無報，於是我即刻報番。事實上係我漏報咗，好對唔住，我要對公眾致歉，但係老實講呢個係技術上嘅申報啦，我都補番，我希望選民會了解。
問：可唔可以講吓呢七間公司所持有嘅業務係咩？
答：無業務，佢唔係做生意，係屋企投資、物業，有啲甚至係揸住一啲高爾夫球會嘅會籍，全部唔係做生意。
問：純粹係揸住一啲嘢？
答：股票呀、物業呀、會籍呀。
問：記唔記得最耐係幾耐？
答：有十年八年。
問：○四年參選無申報，嗰時係覺得呢啲公司唔需要？
答：我自己好私人嘅物業，我又唔係做生意，當時覺得係咪一定要申報呢？咁之後就無放喺心裏面。第二屆當選我完全都無諗過，直至何俊仁呢件事，到選舉咩嘢都會畀人摷出嚟，所以我即刻叫助理補番。
問：驚唔驚會影響選情？
答：呢個係事實，我唔可以抵賴，我亦都公開承認。你知道我唔係一個完人，我好多時都會做錯嘢，技術性或者唔係技術性，我相信選民會接受我係一個咁嘅人囉。我如果話我係一個完人，我都係呃緊我嘅選民。我當然有犯錯，有犯錯我一定會接受，一定會承認，會道歉。我只可以講，一直以嚟，我都覺得呢啲係我好私人嘅嘢，係我屋企嘅嘢。
問：點解要咁多間公司，唔係一兩間？
答：因為有啲係我個人嘅trust（信託），我屋企嘅trust（信託），呢啲好個人，我唔希望公開講，但絕對係無涉及任何商業性嘅活動。
問：七間係全部定係仲有？
答：報呢七間我都無報公民黨（總部物業）嗰間，因為我實在真係醒唔起嗰間公司我係要報，如果唔係我都唔會畀你哋寫兩次啦。一次又一次，但我真係對呢啲嘢，我唔係擺喺心裏邊，對唔住。
問：會唔會叫其他黨友都檢視番自己？
答：我已即刻同黨魁（梁家傑）講咗有件咁嘅事，其他我唔敢過問其他立法會嘅同事，或黨友呢方面嘅嘢，我覺得佢哋點樣處理係佢哋嘅事，我自己要處理我自己嘅事。我即時申報番，算係一種交代。
http://www2.news.sina.com.hk/news/2/1/1/2744166/1.html
一句政治迫害就可以解決誠信問題{:laugh:}
頁:
[1]