JJ愛得包容：我冇被騙
【東方日報專訊】賈曉晨（JJ）傳出與樊少皇拍拖後，有報道指男方有妻有兒，令JJ慘變小三，昨日她在活動現身時多番維護男友，更力撐自己所知的就如男友樊少皇所發的聲明一樣，力指男友沒有騙她。本報率先披露「樊J戀」，未料爆出樊少皇有妻有兒JJ慘變小三，前日她聲淚俱下受訪時似暗示未知對方有關背景，昨午JJ出席金融機構活動，吸引大批記者在場守候，她在四名助手陪同下出現，受訪時JJ仍不時眼濕濕，談及心情時，「一夜長大」的她說要慎言：「可能大家對我講嘅嘢有啲誤會，我從來冇講過佢冇話過畀我知呢件事（指有子女），我只係等佢發聲明先回應。（介意被指小三？）係，同埋話佢仍在婚姻階段，以我所知佢冇結婚，而且都係好耐之前嘅感情。」極力維護男友的她強調雙方交往前，樊少皇已向她交代清楚，又多次表示她所知的與樊少皇前日所發的聲明一樣，故相信男友並沒有騙她。
寄望將來
堅信男友有不一樣的過去的JJ眼濕濕的說：「愛一個人應該包容佢嘅過去，所以個報道（指其為小三）一出嚟，我都唔知咩事。（會繼續發展？）我想愛情係清清楚楚嘅一件事，唔可以令到大家有誤會。我拍拖係要有將來，希望可以結婚生仔。（唔再信佢？）冇，以我所了解，我係同一個以前有過去嘅人拍拖，所以我會盡量嘗試繼續包容佢！」
明白痛苦
JJ亦會以包容態度接受男友已有子女的事實：「每個人都有過去，冇可能要人哋過去嘅嘢向自己負責，最緊要係將來。（佢有冇搵你？）有，因為佢睇到雜誌都唔開心，其實佢將件事收埋咁多年，佢嘅壓力同痛苦我都明白。」另方面，JJ舊愛沈震軒昨出席劇集宣傳時，表示有安慰她，指「樊J戀」剛開始，無謂搞破壞，希望JJ可以堅強啲。而樊少皇昨於微博亦有安慰女友，更表示會尊重她的所有決定。
http://www2.news.sina.com.hk/news/15/1/1/2753155/1.html?l=953809
多情自古空餘恨
頁:
[1]