建制派地盤補選泛民又內鬥
【明報專訊】上年沙田鞍泰區區議會補選，泛民因內鬥而令民建聯得利。若果大家以為泛民會學精，就實在太天真，事關呢幕極有可能重演。泛民喺協調下，決定派出民主黨丁士元出戰即將舉行嘅田心區補選，迎戰公民力量潘國山，但人民力量噚日表明唔理勝算如何都要參選，仲話用嚟練兵都好喎。白鴿黨﹕對方拒協調 人力﹕志在練兵
民建聯劉江華為官位辭去沙田區議員，觸發今次補選。丁士元過去喺馬鞍山耀安區出選，今次首度轉戰沙田，但就否認空降，佢話自己做咗黨主席劉慧卿嘅助理幾年，喺該區議事處有做開地區工作，相信有一定勝算，仲話公民力量嗰邊呢排成日搞平價下午茶爭取支持咁講。
丁士元透露，其實泛民今次曾喺公民動力鄭宇碩牽頭下為選舉協調，亦有邀請人民力量，但對方就拒絕參與，最終民主黨同社民連成功協調，決定派佢參選。
Emily噚日問人民力量主席劉嘉鴻，佢承認有意派員出戰，默認人選係人網主持林匡正。劉嘉鴻話，雖然林冇做開地區工作，但就係當區居民，而田心本身係建制派地盤，認為人力可趁參選練兵同試水溫，勝選唔係考慮。被問到擔唔擔心令建制派漁人得利，佢就話泛民已經冇共同政綱，協調都無謂，仲話呢啲已經係「好古老」同「問過好多次」嘅問題喎！
http://news.sina.com.hk/news/20130118/-3-2874732/1.html
又要買花生{:heyhey:}
頁:
[1]