苟芸慧嗚咽：寫事實出嚟
苟芸慧與郭富城因合拍廣告後傳出緋聞【東方日報】苟芸慧昨午三時返抵電視城預備出席《金枝慾孽貳》宣傳活動並進行化妝，無綫特將化妝間門關上阻止傳媒拍照，到大隊出發時才見苟姑娘與經理人密斟似商討對策，而她上到公司小巴亦背對傳媒，不欲上鏡。
在宣傳活動上，苟姑娘表示知道「富黛」分手之說，亦為被指是「小三」解畫，她嗚咽、眼紅紅的說：「今朝公司畀我睇咗。我好唔開心，冇做過畀人咁樣講，好難受，希望你哋幫我寫番個事實出嚟。（事實係點？）我唔係小三囉。（有冇同城城聯絡？）每日都好畀心機做嘢，同佢從來都冇聯絡過。（上次睇城城演唱會都冇聯絡？）冇。（同城城有冇機會發展？）除咗做嘢，其他嘢唔會諗。（城城甩拖有冇機會發展？）暫時冇機會。（係咪怕畀人講閒話？）自己以事業為先，希望專心工作，希望大家留意到我嘅進步，唔係我嘅緋聞。（熊黛林話唔想再忍？）我明白作為女人嘅感覺，但係我都好無奈畀人咁寫。（戥佢哋結束七年情可惜？）我嚟咗香港三、四年，唔知發生咩事，呢啲係佢哋兩個人嘅事，我唔可以幫佢哋回應。」
對於網民鬧爆她是「小三」，苟姑娘眼濕濕說：「麻煩你哋幫我寫番清楚。（有冇唔開心喊呢？）都差唔多……」說完隨即轉身離開終止訪問。之後她上台宣傳時也木無表情，全程沒有笑過，完成活動即走秘道離開。
http://www2.news.sina.com.hk/news/20130418/-15-2945783/1.html
應該不是小三.
頁:
[1]