田北俊自動當選黨魁
【明報專訊】自由黨之前修訂黨章，增設黨魁一職，噚日黨魁終於產生，佢就係自由黨靈魂人物、榮譽主席嘅田北俊。不過，呢個黨魁選舉無乜競爭，只得一張有效嘅提名表，於是按黨章規定自動當選。田少話，對獲選為黨魁感到榮幸，佢日後會主力負責議會，至於黨嘅政治路向，就由黨團集體領導咁話。周梁淑怡就做主席，會帶領黨務加強地區工作，做好培訓青年接班。田少對今屆政府有唔少批評，被問到覺得特首梁振英上場成年，政府做成點，田少話，CY以房屋做重頭戲，都要畀機會佢，睇吓佢做成點。佢又話，相信過多一年幾，大家都會留意市民點睇、中央點睇CY，到時先講CY應否留任都唔遲。但田少就擔心依家失業率低，CY好難搵人起屋，又話見到CY同公務員合作有啲問題。
話得三四人係「真行會」
被問到2017年特首選舉心水，田少就反問，「會唔會太遙遠？」佢咁講，莫非暗示2017年之前已經要再選特首？田少話，覺得政務司長林鄭月娥好有能力，又話現時行會，得三四個人係「真行會」，相信呢幾個人都有機會咁話。
http://news.sina.com.hk/news/20130522/-3-2974854/1.html
講緊風涼話?
頁:
[1]