梁扶貧遇「兩座山」 何喜華悲觀
一是官僚二是財爺 稱林鄭也沮喪【明報專訊】一年多前，社區組織協會主任何喜華不理輿論抨擊，高調支持梁振英（CY）選特首，「因為CY的論調同社工界好相同」，但一年下來，何喜華發覺貨不對辦，「你睇好多市民，生活同一年前無大分別」，他看不到施政藍圖，對政府扶貧工作很悲觀。不過，何喜華沒有給梁振英零分，因為明白他面對官僚系統及財政司長曾俊華「兩座大山」顯得束手無策，並透露連政務司長林鄭月娥亦很沮喪，「林鄭都成日叫我哋委員，開會時『砌』佢哋！」
沒給零分 「梁同情碼頭工人」
梁振英的競選刊物中曾刊出何喜華的支持說話﹕「他（梁振英）不單做事專心，更有一顆關懷基層的心。」記者着何喜華重看這段，他沒有否定當時的想法，但語重心長地說﹕「佢自己應該睇番。」
何至今仍相信梁振英心繫基層，「我最近私下同佢傾偈，佢自己講起碼頭工人（工潮）件事，當然佢唔評論件事，但佢話佢哋做十幾二十個鐘，得萬幾二萬元一個月，呢班碼頭工人大佬點會無積怨。我覺得梁振英好同情佢哋。」
上任一年 市民生活沒分別
但梁上任一年，市民生活沒什麼分別，最令何喜華失望。獲委任為扶貧委員會成員，何喜華沒有給梁振英零分，因特首始終成立了扶貧委員會及長遠房屋策略督導委員會，只是工作事倍功半，形容梁振英在「兩座大山」面前顯得束手無策。
轟官僚系統 「好似世界同佢哋無關」
「第一座山係官僚系統，公務員每樣嘢係因循又因循，完全無改革動力，做一日和尚敲一日鐘，完全無話急市民所急，好似個世界同佢哋無關係。」何喜華愈說愈火滾，「我哋扶貧委員會最近檢討過單肢傷殘納入傷殘津貼，官員話要重新定義乜嘢叫傷殘，又話十幾廿樣傷殘都納入，咁就令香港有100萬人符合傷殘定義，要花200億元，內部檢討仲要去到2014年先完成，簡直荒謬。人哋叫你做好簡單的，你咪做咗部分先囉，根本就唔想做。」
何喜華繼續罵﹕「扶貧委員會下面有個教育小組，官員度來度去，第一個計劃，只係點樣鼓勵年輕人加入建造業、電機業，傾嚟傾去都係一千幾百個位，如果扶貧工作咁濕碎，同成個香港青少年失業率有20多個百分點、失業有近3萬，咁樣扶貧法，十年都未得。」
「林鄭叫我哋委員，開會時砌佢哋」
另一座「大山」是特首與財政司長的理財理念南轅北轍，「財政司長緊守量入為出的理財方式，完全唔係落實CY現在要為社會帶來改變的理念，但CY又唔敢對FS（財政司長曾俊華）惡！」
他透露政務司長林鄭月娥對政府未有表現亦顯得很沮喪，「林鄭係好想做，但下面的局、下面的官員要配合，張建宗（勞福局長）叫做勤力咗啲，其他就愛理不理，下面的官僚就更差。林鄭都成日叫我哋委員，開會時『砌』佢哋！」
社會上很多論調稱要給梁振英多點時間，但何喜華認為不是時間問題，關鍵是要處理這兩個大山的決心和勇氣，如何做？他坦言沒有方法。「你曾經提出咁多希望，如果唔落實，係令好多市民好失望好傷心，令市民厭惡政治和政治家。」
http://news.sina.com.hk/news/20130624/-3-2999555/1.html
劏房戶：有啥成績？幾時上樓？
曾受CY打動
【明報專訊】梁振英去年特首選舉前多次落深水埗，與基層市民如劏房戶接觸，承諾改善低下層住屋環境，縮短「上樓」時間，這些承諾打動過很多街坊，包括與他同姓的劏房戶梁先生，「我曾經真係對佢有期望，但家有咩成績？失唔失望？點會唔失望？」
「曾經有期望 點會唔失望？」
任職食肆廚師的梁先生，一家五口居於深水埗一個劏房4年多，一直要忍受天花批盪剝落，但本月租金由3000加至3500元。
對於梁振英承諾加快輪候公屋市民上樓，以為對方會為自己帶來改變，但梁太不滿道﹕「4個月嚟我哋輪候號碼都無變過，打去房署問，佢又答唔到幾時。你話失唔失望？」
梁競選時坐牀邊 戶主：同情梁艱難
梁振英去年初競選期間，曾透過社區組織協會安排下探訪深水埗板間房戶劉德相，還坐着牀邊聊天。劉德相後來被逼遷，目前以較低租金租住無家者協會的宿舍，她向本報稱，一家四口等了4年仍未上到公屋，「當然希望佢做到嘢，我哋快啲上樓，但我唔想怨佢，同情佢做得好艱難，我覺得佢係好想搞好香港，你睇曾蔭權，佢做過咩？」她認為社會應多協助政府施政，議員也不應事事反對。
工黨立法會議員張超雄批評，梁振英一年來工作，各項政策也只聞樓梯響，只將問題推給扶貧委員會、策發會、關愛基金等，但看不到民生有什麼改變，「貧富懸殊只會惡化，未來社會矛盾只會更大，七一會有好多人上街」。
http://news.sina.com.hk/news/20130624/-3-2999554/1.html
民怨源於生活壓力.
頁:
[1]