羅燦辭任《信報》CEO
【明報專訊】「小小超」李澤楷旗下嘅《信報》最近有大變動，2010年到《信報》做行政總裁嘅羅燦會喺10月辭職，但會繼續做公司董事；亦有新人加入，依家《頭條日報》財經網總監郭艷明遲啲會出任《信報》總編輯。Emily聞說郭艷明入《信報》呢個消息，噚日打電話問過郭艷明，佢大方承認會有呢個變動，但就唔想講太多住，想低調啲先。郭艷明喺1979年畢業後，第一份工作就係喺《信報》，做咗一年半，計落依家係32年後再次重返《信報》，都算有緣分。
郭艷明做過報紙、電台同電視台，喺《新城》電台做埋節目主持，其後去過馬會做公關，又做過通訊事務局委員，來頭甚猛。
至於羅燦，Emily噚日未能夠聯絡到佢，噚日網上有人傳出話羅燦會做數碼廣播（DBC）嘅行政總裁，但傳聞唔知真定假。
明報
頁:
[1]