林慧思老公發火 走佬半天
【明報專訊】林慧思老師前日畀愛港力成員喺網上恐嚇，話要佢「死無全屍，永不翻身」，Emily噚日見到林慧思喺facebook留言，話因為成件事，家人承受好大壓力，「炸彈已爆發出來，老公走掉了」。林慧思仲話老公打電話畀岳父，鬧佢教到老婆同佢一樣參與社會運動，之後仲發火講咗句「我要爆炸了」就「奔出家門」。好彩到傍晚，林慧思喺fb話「和好如初啦！」人民力量下晝喺fb出post話今個周日會搞「心繫林老師黃絲帶行動」，組織支持者將黃絲帶綁喺學校門外，話要將象徵「等待久違的親人歸來」、「反暴力」、「接納」嘅黃絲帶精神遍傳社區。
人力話綁黃絲帶又唔綁
不過，幾個鐘頭後Emily發現個post唔見咗，問番人力先知原來有支持者擔心影響學校，加上見到林老師老公一度「走咗佬」，所以決定順應民意取消，費事加重林慧思嘅壓力。
http://news.sina.com.hk/news/20130830/-3-3054087/1.html
肯道歉就無事.
頁:
[1]