高鐵列車曝光 造型象徵飛龍
【明報專訊】連接有香港到廣東嘅廣深港高鐵被指工程延誤，但港鐵好有信心喺2015年如期完工，噚日仲突然首次展示高鐵列車外形，從照片睇到，高鐵嘅車頭採取流線形設計，車頭兩側用上橙色弧形紋，港鐵話係象徵中國飛龍，寓意承傳中華傳統。
列車可載579人
港鐵之前向中國南車四方股份公司訂購9部高鐵列車，成本達17.4億元， 噚日高鐵列車外形曝光，可以睇到列車有8個車卡，首卡同尾卡係拖卡，中間6卡載客，共有579個座位，車身髹上波浪型嘅紅色同白色長紋標誌，最高時速可達350公里，不過喺高鐵香港段內，最高只會以時速200公里行駛。
港鐵話，年底前，內地會先測試列車性能同行車運作，如果一切順利，會喺出年4月付運到港。
明報
3上3下3台備用？
頁:
[1]