政情：社記新丁 又一村選戰博亂
泛民同建制一樣，喺區議會選舉中都有協調機制，確保唔會自己人打自己人。但建制派爆出內訌，自由黨李梓敬準備落又一村選區，單挑經民聯成員兼深水埗區議會主席郭振華。係周永康莊友
建制派內訌隨時令泛民「漁人得利」，最近社民連新丁周嘉發都話會落區插旗。區選未上演，好戲已高潮迭起。又一村有唔少紡織界中人，李梓敬喺自由黨紡織及製衣界議員鍾國斌嘅支持下相信選情可以事半功倍。不過周嘉發都唔係省油嘅燈，佢大學時期做過港大學生會常務秘書，仲係學聯前秘書長周永康莊友，累積唔少社運經驗，不過佢家人一直反對佢參加社運及從政。
周嘉發話，又一村有唔少泛民支持者，加上建制派鬧內訌，令佢對當選頗有信心。但泛民財政資源唔及建制派，派單張或設計卡片都要叫朋友幫手，未來都係一場硬仗。
東方日報
頁:
[1]