白鴿黨壞立會規矩無悔意
佔領行動期間，立法會大樓九樓被指係「佔領行動指揮中心」，因以九樓作為議員辦公室嘅民主黨（白鴿黨），當時長期租用九樓會議室，有份策劃或參與佔領行動嘅團體成員可以輪流入去瞓覺休息，當正立法會係酒店，立法會秘書處事後檢討大樓保安，禁止議員助理「拍卡」進出其他樓層，自此訪客如有公務要入唔同樓層，就要自行聯絡該層人員幫佢哋開門。會議室曾供佔領者休息
雖然今次事件係因白鴿黨而起，但佢哋至今冇任何反省，近日喺九樓門外張貼告示，話根據行政管理委員會決定，佢哋唔可以幫非白鴿黨訪客開門，又話如果訪客有任何意見，可以直接打電話搵秘書長陳維安投訴，好似當成件事唔關佢哋事，似乎有多少「惡人先告狀」。
東方日報
頁:
[1]