區議員表現受質疑 莊姐開會時間得兩成
區議會選戰漸近，公民黨已決定派四十二人馬上陣搶位，屬於「阿姐級」嘅陳淑莊，亦開始重施故伎在山頂馬路「企街」，見有汽車駛過就揮手點頭，好似好勤力咁。莊姐忽然瞓身，但佢做咗幾年區議員，究竟表現係點？一位有心人整理佢過去四年喺區議會會議嘅出席時間，發現一年短過一年，到今年平均出席時間只有19%，即係有八成時間唔見影，都算離譜。根據議員開會時間統計表，莊姐當選山頂區區議員頭一年（○八年），平均出席會議時間達83%，都算唔錯，但跟住幾年，就每下愈況，到去年減至只有33%，今年更再減近半。其中一次會議，佢坐咗七分鐘就閃走，可能趕住去做更重要嘅事，亦可能區議會嘅嘢太濕碎，總之簽完到張櫈未熱就離場。
http://img.eastweek.com.hk/article_multimedia/15189/1_n.jpg開會紀錄顯示，陳淑莊出席會議時間逐年減少，今年減到19%，有次會議只坐咗七分鐘，經常見到佢張空櫈（下圖）。
http://img.eastweek.com.hk/article_multimedia/15189/2_n.jpg
有心人仲指，莊姐試過在會議提出議題後就離開，自己無參與討論，交由其他黨議員代佢投票；有時發言亦自說自話，唔等官員答覆就走人。佢採取呢種「快速開會法」，平均坐唔到一粒鐘，夠晒慳力省時間。
至於在區內搞活動，心水清人士只記得佢舉辦過一次電器回收活動，唔覺有其他搞作。講到地區功績，其他區議員點都有啲「成功爭取」，但莊姐嘅橫額都係政治口號為主，如打倒地產霸權之類，關乎地區問題嘅好少。
莊姐對地區問題少理，但對政治大議題就口水極多，例如支持五區公投、反對立法會替補機制建議、撐外傭取得居留權、開放高級私人會所畀公眾等等，公民黨班同路人當然好啱聽，但山頂區多數居民就好唔順耳，唔覺得佢代表自己嘅心聲。
莊姐今次再出戰山頂區，為咗爭取選票，未來兩個月好可能提多啲地區議題，但居民眼睛雪亮，對佢實際為地區做咗乜，大家心裏有數。
反駁：次次會議有到本刊就上述質疑詢問莊姐，佢話○八至一一年間區議會開咗二十六次會，佢出席二十五次，出席率達九成幾，絕對唔低。
對於出席會議時間，佢叫記者check晒所有議員嘅紀錄，就知道佢係咪低。問及點解佢有時開會坐一陣就走人，佢解釋話，區議會一啲會議同立法會撞期，佢冇法兼顧，所以要早走。至於佢同公民黨嘅政見唔代表山頂居民心聲，佢話居民有好多種，支持佢哋政見嘅亦唔少。
http://www.eastweek.com.hk/index.php?aid=15189
應該只出兩成人工俾佢:shutup:
:bye:呃納稅人$$既垃圾... 小女女 發表於 2011-9-22 12:43 static/image/common/back.gif
呃納稅人$$既垃圾...
仲衰過佢地口中既建制派議員:dizzy:
頁:
[1]