政情：鄧家彪晤楊潤雄 可能係轉區先兆
立法會新界東直選目前有兩個議席懸空，約半個月前加入民建聯嘅工聯會前立法會議員鄧家彪（阿Bill），被指有意爭取代表建制派出戰新東補選。水泉澳邨料成新劃選區
鄧家彪最近於Facebook上載圖片顯示佢又有新搞作，聯同民建聯區議會第一功能界別議員劉國勳、沙田區議員董健莉等人同教育局局長楊潤雄會面，期間Bill手持「關注沙田學額問題，水泉澳學童就近返學」嘅標語，認真耐人尋味。
眾所周知，Bill本身係離島區議員，今次跨區跟進水泉澳學童上學問題，似乎印證咗地區傳聞，就係加入民建聯後唔單止希望染指新東補選，連區議會選區轉區都做好兩手準備，有機會把重心轉移至沙田，特別係地區廣泛流傳，水泉澳邨好大機會成為新劃選區，Bill今次舉動，算係提早披露不能說嘅秘密嘞。
東方日報
頁:
[1]