稱睇唔到民主派點守議會戰線 區議員陳諾恒退公民黨
陳諾恒喺facebook上宣布退出公民黨。
全國人大常委會早前通過立法會議員延任1年，而民主派同抗爭派亦曾就延任一事引發爭議。繼前議員陳淑莊宣布退黨後，入黨約兩年嘅沙田區議員陳諾恒今午(19日)喺Facebook宣布正式退出公民黨。至於點解退黨，佢解釋話覺得民主派喺議會內任人魚肉，睇唔到民主派如何守住議會戰線。
陳諾恒喺2017年退出民主黨，1年後加入公民黨，今日宣布退出。佢喺facebook上唔單止宣布退黨，仲話日後會以「沙田區政」身份繼續服務市民，同時仲提到「睇嚟入黨真係唔啱我」。
佢回應查詢時話，睇唔到民主派點樣守住議會戰線。佢解釋最初都尊重公民黨喺早前延任問題上話考慮留任，但喺上周睇完立法會多個事務委員會嘅正、副主席選舉後，就覺得民主派根本係無力反抗、任人魚肉，甚至未能凸顯建制派主政嘅醜陋。
喺原定今年舉行嘅立法會選舉中，有部分公民黨參選人被取消參選資格，當中有幾位係現任議員。實際上，唔單止陳淑莊同陳諾恒退黨，深水埗區議會副主席伍月蘭亦喺七月底宣布退黨。
東網
頁:
[1]