開會公然飲紅酒 泛民區議員被轟無規矩
區議會角色同職能向以諮詢為主，雖然屬非政權性嘅區域組織，但一眾區議員畢竟都係支取公帑處理地區問題，開會時理應要尊重場合。深水埗區議會今朝（11日）開會時，就有幾個泛民主派區議員公然飲紅酒，畀在場嘅建制派區議員批評無規無矩、如開派對，質疑涉違反《區議會條例》同公職人員行為失當喎。
話說深水埗區議會今朝9點半開會，點知事隔15分鐘左右，該區區議員劉佩玉就見到因去年參與民主派「35+」初選、涉違反《港區國安法》及後獲准保釋嘅何啟明同劉偉聰、下月1日將離任嘅周琬雯同該區區議會副主席伍月蘭，喺會上飲紅酒。劉認為區議會會議乃嚴肅場合，與會嘅區議員飲紅酒，質疑佢哋有違《區議會條例》，要求該區區議會主席楊彧正視問題。
楊彧回應時只係話，見唔到《區議會條例》中有條文規定唔畀議員喺會上飲任何飲料，明言唔會禁止相關行為，相信議員會對自己行為負責喎。雖則係無明文限制，不過飲酒都要視乎場合。到底開會期間飲酒是否恰當，公眾自有判斷。
東網
頁:
[1]