方剛﹕對唐唐解說看法男女有別
【明報專訊】唐英年僭建風暴愈鬧愈大，自由黨見勢色唔對，早早對記者宣稱未必投票支持唐唐，不過對於唐唐嘅感情低潮僭建論，自由黨內部感覺其實好唔一樣，批發及零售界議員方剛同Emily講笑咁話，呢單嘢，男同女睇嘅角度係有啲唔同。方剛話，黨主席劉健儀對唐唐嘅解說好有意見，覺得唔應該卸畀太太；但係佢自己嘅睇法係究竟呢件事係咪事實，會唔會真係唐太揸晒主意呢？方剛話，既然唐唐咁樣講，你一係信、一係唔信，所以男同女對呢件事睇法似乎有啲唔同角度。
講開僭建，方剛就斷言山頂百分之九十都有地庫，呢個問題同新界村屋僭建一樣好難解決，政府都無咁多人手同資源執法。佢個人覺得，最好嘅方法，係只要無建築安全問題，政府可以豁免晒呢啲僭建，收豁免費用就搞掂。
http://news.sina.com.hk/news/3/1/1/2580824/1.html
感情缺失問題男同女睇嘅角度真係有啲唔同。{:heyhey:}
頁:
[1]