西九門燒到Foster 官員先撲火
【明報專訊】政府上個月出稿爆出梁振英喺2002年嘅西九規劃概念設計比賽漏咗申報利益，立法會仲用埋特權法調查，點知近排有啲傳聞燒到去當年比賽冠軍Norman Foster嘅作品，搞到民政事務局常任秘書長楊立門噚日出嚟撲火，話當年Foster嘅作品冇被技術評審委員會或者評審團取消資格。楊立門：Foster作品冇被撤資格
有關傳聞係話曾蔭權當年鍾愛嘅Foster天幕設計，被指有技術問題，但評審團有人堅持要畀Foster作品繼續參與遴選，有講法話係煲呔背後促成。煲呔之前否認自己有影響比賽，楊立門噚日都幫手澄清。調查西九事件專責委員會今個星期六會開會，到時會唔會順手查埋涉及Foster作品嘅事件，仲係未知數，政府出嚟澄清，唔知係咪想預先消毒呢？
本身係港區人大代表嘅專責委員會主席葉國謙，家喺北京出席人大政協兩會，但為咗專責委員會，星期五要返港留兩日。
阿謙預計首輪聆訊會先傳召相關官員，但相信喺各委員嘅強烈要求下，梁振英都「難逃一劫」，要喺選舉投票日前到立法會一趟，面對議員質詢。
阿謙又呻，為咗主持會議要一來一回北京好麻煩，不過佢估計過咗特首選舉後，應該唔會有人再關心西九風波，所以呢個主席其實冇外界想像中咁難做。
http://news.sina.com.hk/news/3/1/1/2596211/1.html
根本係內定{:angry:}
頁:
[1]