FBI教你解讀梁心Part 1 ~ 2
http://www.youtube.com/watch?v=NS2KhdR5m-0&feature%E2%80%8B=player_embeddedhttp://www.youtube.com/watch?v=O_A3Yp0D6DI&feature=player_embedded
商台請前FBI解讀辯論：唐愛話事 梁守紀律
梁振英究竟有無講過縮短商台個牌照，外人真係好難知，商台《在晴朗的一天出發》搵咗前美國聯邦調查局（FBI）讀心專家Joe Navarro解讀「梁心」，分析CY有無講大話，結果信不信由你！
齋睇錄影片段「讀心」
呢名專門分析美國總統選舉候選人身體語言嘅專家，並唔認識唐英年同CY，佢收到特首選戰電視辯論片段後，無聽聲而齋睇畫面。片段中，唐唐手指指，當隻手係指揮棒咁舞，專家就話佢習慣揸fit話事，多過被人點佢做嘢，仲要係細路哥時已經鍾意操控人。至於CY嘅身體語言，可以睇到佢好服從同守紀律，係拘謹啲，係平日諗嘢多講嘢少嘅人。
講番CY有無講大話，縮短商台續牌條片有兩分幾鐘，專家覺得，CY喺初段無表現恐懼，仲有笑，後來攤開雙手，手掌向天，咁樣係顯示佢無嘢要收埋，佢膊頭無縮起，係表現誠實，因為講大話，個人無信心，膊頭通常會向上縮。主持黃永引述專家話，CY講大話嘅可能較低，但如果佢久經訓練，都可以收起肢體破綻咁講。
咁唐唐係咪真係畀CY提起張沙發激親爆大鑊，專家話，唐唐似係讀緊早有準備嘅嘢，佢指控CY時，並無流露鬧緊人嘅不悅表情，反而好開心，好滿意自己表現。
專家仲話唐唐畀CY反擊佢斷章取義時，下顎不自覺咁郁咗一下，似要紓緩壓力。講到底，邊個講大話，仲要等下回分曉，專家今日會分析唐梁喺「防暴隊論」邊個可信啲。
明報
等緊PART 2! 有Part 3嗎？
頁:
[1]