[轉]有關SP1900突然發生「巨響」之原因
唔知點解，坐西鐵果陣好多人問過呢個問題，個問題就係「點解去到某d位就有d由氣體發出既巨響？」。如果你真係想知，就繼續睇落去，睇完記得留言，等我知道有幾多個人對呢個問題有興趣！原因︰
其實呢下「巨響」，只係要有齊以下2個原因先會出現，原因1就係中性區前後，原因2就係SP1900既P車，簡單D講，呢下「巨響」只有西鐵第2同第6卡同埋係經過中性區前斷電而發出既聲音黎。
何謂中性區？
中性區其實係分隔2個唔同既交流電區間既一個無電區域，至於點解要有中性區呢？就要先明白交流電既原理。交流電同直流電既最大分別，就係交流電既正負極會不斷轉換，再準確既解釋，就係電流既方向會隨時間改變。試諗下，如果2個唔同既交流電區間，會唔會100%係電纜同時正/負極，而路軌又同時係正/負極？呢個可能性唔係無，但我相信會好低。最重要既係，如果2個唔同既區間，電纜分別係正同負極，但係將佢駁埋一齊，咁會發生咩事？輕則就會跳制，重則令供電系統受嚴重損壞。所以就要有一個無電區域分隔2個交流電區間。
點解入中性區前要斷電？
入中性區前要斷電既原因，其實係因為電流如果突然流入另一區間，會令電纜產生高熱而熔斷，所要進入另一區間前，必須斷電先可以進入。
點解斷電後，車入面既野會唔熄？
其實唔係所有野唔熄，而係照明系統同通訊系統唔熄，但會轉用電池供電。至於熄左既有動力系統同冷氣系統。唔信既，入中性區後即時望上去上面，睇下冷氣系統送風機既扇葉係唔係會慢慢停左？
中性區係邊？
西鐵既中性區有4個，分別係天水圍至朗屏站中間一段高架橋、錦上路站大欖隧道入口、荃灣西站至美孚站中段(即荃葵隧道，亦有人稱為葵芳隧道)及南昌站至柯士甸站中後段(近麗翔道)。至於本地有中性區既鐵路就重有馬鐵及東鐵，位置就請睇維基百科中性區。
點解只有馬鐵、西鐵同東鐵先有？
因為馬鐵、西鐵同東鐵係用25000V交流電，而前地鐵所有路線則為1500V直流電，至於輕鐵則為750V直流電。由於直流電既正負極係唔會不斷轉換，所以唔洗用中性區分隔。但仍然有龍蝦位(絕緣器)作區間分隔。
重有下次過中性區聽到巨響就唔好再驚，最好就唔好再問點解LA~驚既就比個方法你，就係坐係第3-5卡，總知逢親P卡唔坐就可以。
「巨響」係正常情況下，就只有入中性區前會出現，但其實係降弓前，亦都會斷電。只不過降弓既情況大多數係車廠出現，所以我地係正常情況下只會係入中性區前後聽到。
各位可以評論下是否正確
巨響應該由連接集電弓的一個叫VCB的物體發出而唔係因為開關集電弓發出.
頁:
[1]