標題: 鄉事未出選先有誤會 [打印本頁]

---

【明報專訊】鄉事派可謂新界選舉中兵家必爭嘅力量，經濟動力派出新界原居民參選，令沙田、大埔等鄉事紛紛表明力撐自己人捨棄民建聯咁話。不過，最近鄉事派就收到質疑經濟動力邱榮光喺新界發展立場嘅信，搞到沙田鄉事好嬲，噚日仲召咗邱榮光向幾十個村代表解畫，要求解釋佢點解要出賣新界人。邱榮光同佢哋講番來龍去脈後，沙田鄉事委員會主席莫錦貴就話，相信邱只係被抹黑，至今都仲係會支持佢參選。

邱榮光仲未報名參選就搞出咁大件事，皆因佢早前喺環諮會上反對沙螺洞發展，引發原居民被佢出賣嘅質疑。力撐邱榮光出選嘅莫錦貴就要求對方解釋，否則會將幫邱榮光掛嘅大型橫額剪走。

被質疑出賣 邱榮光解畫

莫錦貴話聽完佢解釋，認為邱榮光見解與鄉事派不同，但相信只係提出另類方法，所以都會繼續支持佢參選。至於支持經濟動力，會否影響民建聯，曾兩次為民建聯「抬轎」嘅莫錦貴坦言無辦法，因為無論如何都支持原居民，又話喺超級議席上都會支持番民建聯。

http://www2.news.sina.com.hk/news/2/1/1/2731291/1.html

吹風要價{:heyhey:}