標題: 海泥再造磚回用啟德項目 [打印本頁]

7.jpg
房署話自行研發嘅海泥再造磚無論抗壓、防滑、吸水等標準同傳統地磚相同
圖為地盤工人以再造磚鋪地（葉家豪攝）


【明報專訊】爛泥成為綠色建材。房屋署嘅啟德地盤前身係填海得嚟嘅啟德機場，但當年填海無清理海牀上嘅海泥，房署起樓時前後共挖出1.5萬立方米海泥，相等於6個標準游泳池容量。助理房屋署長林思尊話海泥具黏性，含水量好高，好難應用喺工程建造，但如果丟去堆填區又唔環保。於是房署舊年已經將1.2萬立方米海泥轉做地盤填土，剩低嗰3000立方米海泥，房署、承建商同港大研究一年後創製成「海泥再造磚」，用於啟德1A地盤上。


同傳統磚標準相同

林思尊話，呢種磚係透過海泥，加入特定比例嘅英泥、碎石同塑化劑製成，同傳統磚塊嘅抗壓、防滑等標準相同，房署已經因應地盤製作4種唔同用途嘅再造磚，數量超過38萬塊，大部分用喺地盤鋪地、花槽壆等。

林思尊話呢種磚研發費約200萬元，另外平均每塊磚成本4.5元，較傳統磚塊4蚊貴一成多，但就避免將海泥扔去堆填區，而且房署可以喺地盤內自行製造，每日產量達1400塊，減低運輸成本之餘又可減少購入傳統磚塊；未來房署會推行到其他有海泥嘅地盤，例如將軍澳地盤使用。

http://news.sina.com.hk/news/20121227/-2-2857524/1.html

最終係慳錢!

報紙用口語寫作，我沒有看錯吧？