標題: 中國小姐趙哲妤入新民黨 [打印本頁]
去年10月加入新民黨嘅副主席鄭承隆，嚟緊禮拜日會搞場大遊行，關注外傭中介費問題。睇吓單張，呢單嘢新民黨好多新血都會幫手，其中一個就係2010年中國小姐香港賽區冠軍嘅趙哲妤（Uny），原來佢已落過區3次派單張，似乎有心從政咁款。
2010年港區冠軍
鄭承隆係前仁濟醫院主席，佢話係仁濟一名總理引薦趙哲妤入黨，趙同幾名新人已跟佢落區做服務幾個月，最終佢哋選唔選區議會，鄭承隆就話要睇大家適唔適應。佢對趙都幾滿意，即使要落區，佢話趙都係好投入。
仁濟總理引薦入黨
至於早前黨友趙公梃因私人理由辭去荃灣區委任區議員，有傳新民黨想鄭承隆接任，不過鄭噚日話至今並無官員提出邀請，而佢個人收到風，政府未必一定會委任新人填位，因為多一個同少一個人做嘢都係差唔多。咁又係，下屆區議會取消委任制，政府方面仍未決定有無新委任，有人話呢啲位係由特首梁振英拍板，且看政府最終點做啦。
明報
想選區議員?