標題: 公民講場：避談特工 泛民龜縮 [打印本頁]
美國中情局前特工斯諾登（Edward Snowden）選址香港爆美國政府大鑊，大家都猜測佢會否被美國引渡回國。不過，一眾日日將人權、法治掛口邊嘅泛民主派成員就全程潛水兼龜縮，亦唔見佢哋聲援斯諾登嘅蹤影。難怪屯門區議員陳雲生同立法會議員陳恒鑌（Ben）尋日就喺社交網站唱雙簧，陳雲生寸爆話，如果斯諾登係內地人，泛民肯定批評政治迫害、侵犯人身和言論自由，日夜示威抗議，如今鴉雀無聲，話唔係勾結外國勢力都冇人信。阿Ben就揶揄話，香港被泛民形容為冇民主自由嘅地方，「如今卻成美國特工認為自由的樂土」，質疑係港人要求高，抑或美國人假呢？
東方日報
