標題: 絕食逾140個鐘 慢必：無限期都得 [打印本頁]

---

【明報專訊】「民主倒梁力量」喺七一遊行之後接力絕食，其中人民力量陳志全（慢必）就由頭絕食到依家，至噚晚超過140粒鐘。Emily呢幾日喺立法會撞到慢必，見到佢精神唔錯，不過絕食到前晚佢發現尿液開始有酮酸，唔知佢頂唔頂得順？


慢必噚日同Emily講，調理之後就無咗「尿酮」，但係容易攰，起身一個鐘又要瞓番兩個鐘，手腳都慢啲。佢話依家接力到第四棒，自己希望起碼可以絕食到禮拜四特首答問大會，仲表明有能力嘅話會無限期。


人力周三傾邊個做主席

另外，人民力量今個星期三開執委會，傾邊個接劉嘉鴻棒做主席，有傳立法會議員陳偉業（大嚿）係人選之一。大嚿前幾日就同Emily斬釘截鐵咁話唔會做人力主席，慢必都講到明唔會做，又話大嚿無意思做，唔知最終寶座花落誰家？

明報