標題: 黃以謙加入民建聯 [打印本頁]
【明報專訊】上年參選立法會九龍西直選嘅九龍城區議員、精神科醫生黃以謙，原來4月已悄悄加入民建聯喇。民建聯一直想吸納專業人士，擴闊中產專業支持，黃以謙過去一支公做嘢，難怪雙方一拍即合。
獨行俠有着落
其實黃以謙都唔係第一次入政黨，幾年間曾經從自由黨過檔林大輝嘅C18，之後又曾經做過早期西九新動力嘅顧問，後來同主席梁美芬唔咬弦，去年仲同梁美芬打對台齊齊出選九西，結果黃以謙低票落選。
黃以謙同Emily講，話覺得自己同民記嘅諗法好相近，又話上年雙方嘅選舉政綱理念好一致，自己就一直單打獨鬥好難有資源服務街坊，依家入咗民記，佢好驚歎民記有組織同資源。至於未來係咪以民記招牌參選立法會，佢話先考慮區議會，2016年立法會選舉辦法都未知，到時至算。
http://news.sina.com.hk/news/20130713/-3-3016044/1.html
想選立法會議員?