標題: 徐家傑林炳昌無悔入廉署 [打印本頁]
【明報專訊】兩個廉署前員工徐家傑及林炳昌因廉署而為人認識，兩人接受訪問，道出與廉署嘅種種事，佢哋仍有為廉署講好話，亦無悔加入廉署，「揀多次，我都會入廉署」。
徐：有人曾想攞我命
徐林兩人接受有線高清奇妙娛樂台專題系列《今日觀點—無雙譜》訪問。徐家傑喺廉署工作時屢破大案，1993年突遭廉署解僱，講番當年，佢成為首個華籍執行處副處長，話得罪唔少人，「嗰時有人點名要搵泰國殺手攞我命，所以我要陀槍，陀足3年」。
至於林炳昌，離開廉署後轉職做律師，後來因喺一宗案件被控干擾受廉署保護嘅女證人，被判入獄。林炳昌話﹕「嗰時我問自己﹕『要接受定自殺』，我無諗過自殺，因為我要翻身，要還自己一個清白。」佢其後上訴得直，可以恢復律師工作。
徐家傑話人生好似搭，可以上亦可以落，自己無怨任何人，仲話家都有幫廉署講說話，幫佢哋做埋公關。林炳昌就講笑問徐家傑願唔願意做廉署顧問，徐家傑笑住回應﹕「咁我要問吓我律師林炳昌先！」
明報