【明報專訊】多個政黨開始準備重點培訓新丁出戰2016立法會選舉，就喺呢個時候，民主黨尹兆堅噚日忽然向報章自爆自己5年前嘅一段婚外情。Emily噚日問佢點解無端自爆，喺咪要「消毒」為立選做準備，尹兆堅就話今次自首喺得太太支持，同選舉無直接關係，慨嘆「無是生非，是福是禍，無人知的」，自首都係希望事情可以告一段落。
上年立法會選舉，民主黨經內部投票後，一度打算派葵青區議員嘅尹兆堅出選超級區議會，不過尹最後話要顧全大局同家庭問題退選，最後由何俊仁補上。一句「家庭問題」觸動各方神經，仲出現好多加鹽加醋嘅講法。
尹兆堅噚日同Emily講，太太早已原諒佢嘅感情缺失，呢件始終係家事，所以佢一直都唔想講，加上事件已成過去，重提只會令家人再受傷害，畢竟破損嘅關係已重建，最難嘅時間都共同捱過。但係呢件事始終沒完沒了，一直都有人追問佢，佢前排同太太商量，決定向公眾坦白，免得事件一再糾纏，造成更大傷害。