【明報專訊】油尖旺區議會嘅京士柏選區早前涉及種票事件，最終被法庭判決議席無效，需要補選，提名期今日開始，9月19日結束。喪失議席嘅梁偉權唔會再參選，而無黨派地區人士鄧浩斌，就積極考慮報名角逐。本身係公司董事嘅鄧浩斌話，梁偉權、西九新動力同民建聯都好支持佢喎。佢強調自己一直喺旺角、京士柏一帶服務，唔存在空降問題咁話。
不過，建制派今次就傾唔掂數喇，自由黨嘅符傳富亦喺京士柏區密密做，該黨李梓敬話佢哋最快下星期去報名，希望盡最大努力，仲話自由黨一早已落區，黨友易志明、黃錦超、孫啟烈都住該區。對於被指「」建制派嘅票源，李梓敬直言，邊個邊個票，開票時咪知囉！
2011年僅以兩票落敗嘅民協林健文，亦好大機會捲土重來，今次如果建制派內鬥嘅話，相信贏面都幾大。民協馮檢基話，黨友梁健文今日就會去報名參選，民主派亦全力支持，佢話梁健文喺該區服務咁耐，今次唔理贏面都會去盡。