標題: 超人10億捐以色列理大 [打印本頁]
吸引落戶廣東
【明報專訊】「超人」李嘉誠近年捐錢捐得好密，今次佢老人家仲親自走去以色列，捐錢畀以色列理工學院，捐咗1.3億美金（約10億港元）。不過，呢次捐錢最後嘅受惠者其實係中國，點解咁講？因為呢筆錢係吸引以色列理工學院落戶大陸，同汕頭大學合作，喺汕頭開一間專攻科技嘅學院，學院名叫「廣東以色列理工學院」。
以色列理工學院來頭唔細，做好多高科技科研，包括納米科技、生命科學、幹細胞……太空工程都有，過去7年仲出過3個諾貝爾獎得主。李嘉誠今次同廣東省長朱小丹一齊去以色列，就係要見證汕大同以色列理工簽合作備忘錄。除咗超人透過李嘉誠基金會捐嘅1.3億美金外，廣東省亦撥咗1.47億美金同一塊地，資助新學院成立。
明報