標題: 港大民研議員榜 何俊仁評分新低 [打印本頁]
【明報專訊】立法會今日復會「開學喇」，香港大學民意研究計劃就喺噚日公布咗最新十大立法會議員排名榜，民主黨立法會議員何俊仁雖然排第7，但佢嘅得分跌到2006年首次上榜以來嘅個人新低，得43.8分，較7月跌咗6.1。民研計劃總監鍾庭耀分析話，何俊仁嘅評分見新低可能同8月底獲國泰航空免費款待事件有關。睇嚟仁哥除咗要賠番機票錢，更蝕埋民望！
或因國泰款待事件
港大今次調查係9月底至10月初分兩階段，以隨機抽樣方式分別訪問咗約1000名香港市民，第一階段先甄選咗10個最為人熟悉嘅立會議員，第二階段再按議員嘅知名度排「十大」。
立法會主席曾鈺成以57.7蟬聯榜首，但得分都跌咗1.9分。葉劉淑儀排第二，得分56.4不變。排其後的分別為田北俊、梁家傑、李卓人、劉慧卿、何俊仁、陳偉業、梁國雄及黃毓民。
曾鈺成蟬聯榜首
民主黨議員涂謹申，喺今次調查拎到51.3分，評分亦較4月下跌，但因為知名度未能打入十大，所以未能躋身「十大議員」，因為排名方法先決條件係市民嘅熟悉程度，然後知名度最高嘅十人再按得分排名。
http://news.sina.com.hk/news/20131009/-3-3085739/1.html
正常.