標題: 林志玲東莞化身「暗黑女王」 離晒罩險走光 [打印本頁]
台灣第一名模林志玲，雖然已經年屆41歲，不過佢嘅身型冇因為年紀而走樣，反而仲愈KEEP愈好，唔少品牌都爭住搵佢行內衣騷！呢日志玲姐姐就去到東莞出席一個時尚內衣騷，為佢代言嘅內衣品牌行騷。
壓軸出場嘅志玲姐姐，先化身「暗黑女王」，以一套黑色低胸短裙配上金色配飾現身，大走狂野路線，加上閃閃魚網絲襪，睇到全場觀眾拍晒手掌！之後志玲姐姐又換上另一套紅色紗裙出嚟謝幕，上圍同樣迫爆，不過側邊睇就離晒大罩，動作稍為大啲都會走光！
有網民睇完後就大讚「志玲姐姐壓軸出場簡直美到沒朋友！」，又話連同場行騷嘅環球小姐都要被比下去！其實志玲姐姐早前去完內地參加綜藝節目《花樣姐姐》開始，已經不斷咁露完又露，睇嚟大家以後仲有唔少機會可以大飽眼福！
新浪香港