標題: 被通緝許智峯流亡澳洲　「戰友」吳兆康遠走英國 [打印本頁]

---

吳兆康同家人喺西敏寺前合照。

前議員及中西區前區議許智峯正被警方通緝、依家流亡澳洲，而佢嘅「戰友」吳兆康早已辭任中西區區議員，但冇解釋原因，最新發現佢亦已經離港，去咗英國。

吳兆康早於今年4月底宣布辭任區議員，5月生效。相隔3個月，佢今晚(17日)喺Facebook上載咗一張相，係佢一家4口喺英國西敏寺前嘅合照。唔少網友睇到呢張相，先知佢去咗英國，而許智峯亦有留言祝吳「一切順利，兄弟。」另有網友提醒，話「嗰邊(英國)疫情爆得重好勁，請記住帶上口罩， 一家平安。」

喺2015年當選中西區半山東選區區議員嘅吳兆康，同許智峯合作無間，而許喺2016年當選立法會議員後，兩人更一齊落區謝票，許形容兩人係民主黨的「中區孖寶」。許喺舊年11月辭任立法會會議員，12月初宣布「流亡」海外，依家吳亦遠走英國，果然係「難兄難弟」。

東網