標題: 楊丞琳稱台灣食海鮮係奢侈事　被鬧到緊急關閉留言功能 [打印本頁]

---

台灣天后楊丞琳（Rainie）近日因為參加內地節目《還有詩和遠方》時，提起：「我在台北長大，『但是我是廣東人』。」而引發爭議。但原來佢喺節目中品嘗海鮮時，被同枱藝人問點會未食過，佢就話：「其實我在台灣沒吃過甚麼海鮮，早年家裏經濟壓力挺大的，其實吃海鮮在那裏是奢侈的！」同樣激起網民怒火，有人質疑指喺台灣食個豐盛嘅海鮮鍋只要500元新台幣（約127元港幣）左右，不過亦有網友認為楊丞琳原意應該係指細個屋企環境不佳，無法成日食海鮮。但眼見風波燃燒，楊丞琳都緊急關閉多個社交網嘅留言功能，風頭火勢都係自我禁言，免罵戰升溫。

東網