標題: 經濟不明朗影響？拍賣會馬會蝕1,513.7萬 [打印本頁]

---

未知係咪受到環球經濟不明朗影響，今晚喺沙田馬場舉行嘅香港國際馬匹拍賣會2024成績一般，14匹馬僅得3匹賺錢，包括Lot7以420萬成交，較成本價高出152.2萬元，由「友福」系馬主蘇永強先生投得。另一匹賺錢嘅拍賣馬為Lot19，以360萬元成交，較成本價高出19.7萬，由沈集成練馬師團體投得。

至於蝕錢最多嘅係Lot11，亦係整個拍賣會成本價最高嘅一駒，成本價725萬，最後僅以320萬成交，由「勝意龍」馬主葉樹彬投得，佢表示會交畀巫偉傑訓練，雖然與巫偉傑唔係太熟，但唔想將所有馬擺喺同一馬房，所以尋求與其他練馬師合作，務求擦出火花。

今次14匹拍賣馬總成交價為4,630萬，撇除成本價，馬會蝕本1,513.7萬。

東網