標題: 渣馬流動廁 誤入同胞數 [打印本頁]
【明報專訊】因為雙非孕婦湧港，佔用本地孕婦資源，觸發嘅中港矛盾問題未解，蝗蟲論更被唔少網民掛喺口邊，日前就有網民上載一張應該係喺尖沙嘴海防道影嘅相，見到成排流動廁所喺度，質疑「廁所長城」係為應付蝗蟲周街便溺而設，仲大叫好臭。
葉劉fb反歧視留言 愈反愈多
不過，唔少細心嘅網民留言話，呢排廁所應該係為應付周日渣打馬拉松而設嘅，與蝗蟲無關，批評有人唔查清楚就亂嚟造謠煽風點火，十分不該。
但呢個世界，唔係你想理性就理性，好似新民黨主席葉劉淑儀噚日喺facebook話，發現有啲網友喺佢專頁發表歧視內地人嘅言論，以「一竹篙打一船人」態度，標籤佢哋係蝗蟲云云，葉太呼籲大家唔好留呢類帶有歧視、人身攻擊嘅言論，不過葉太此帖一出，引來更多網民不滿、互罵，真係唔知點收科喇。
網民促煲呔任內解決雙非要頭痕嘅唔止葉太，蝗蟲論一出，有心人就搵番1950年美國《時代》雜誌封面，原來當年本雜誌已將已故國家主席毛澤東與「蝗蟲」 一齊做封面，有網民就惡搞呢個封面，將毛主席變成特首曾蔭權，提醒佢今年中落任前要解決雙非孕婦問題，唔好走數喎。
http://www2.news.sina.com.hk/news/2/1/1/2569988/1.html
屈得就屈.
廢青言論,不負責任.