標題: 畢業 3年 攞綜援年半 中大碩士 200次見工失敗 [打印本頁]
【本報訊】碩士本來是社會的棟樑，但 26歲的梁健鵬三年前在中文大學統計系碩士課程畢業後，做過兩份工均極速被炒，年半前更開始領失業綜援，每月靠 1,830元過活；他幾乎每三日見一份工，但逾 200份申請卻無一份成功，連應徵麥當勞也被拒門外。梁在網上撰文控訴教育制度失敗，「細個幾努力讀書都冇用」。網民看過文章後，有人深表同情，更多人直斥他是 80後「高學歷、低能力」的人辦。梁對抨擊不以為然，說：「我唔係高分低能！」
記者：梁曙光、馬耀文
阿鵬自幼讀書成績優異，在觀塘瑪利諾書院畢業，會考 26分，高考 2B1C， 03年入讀中大統計系， 08年碩士畢業時 GPA有 3.6分（即學業成績平均點數， 4分滿分），成績優異。在屋邨長大，父母做勞工的阿鵬以為碩士畢業後前途美好，回報雙親，豈料踏出校門卻墮入生活困窘。
兩份工兩個月內被炒受訪時阿鵬思路清晰，沒有精神問題，語言表達能力亦沒問題，只是社交技巧笨拙，說話從不望人。他說， 08年 9月受聘於一間美國化工公司，但遇上金融海嘯，上班不足兩個月就被炒魷； 09年 4月他到保險公司做 Sales，未夠兩個月又被炒。
他聲稱之後有努力搵工，平均每個月見工 10份，兩年來超過 200份，但沒有一成功，「我乜工都搵，乜工都願做，最想做啲同讀書有關嘅工作，例如會計、數據分析等，但好多工要工作經驗，我未做過點有經驗？」
阿鵬否認自己心頭高，「麥當勞我都見過兩次，只係想做普通店員，但對方好驚訝，話『你係碩士喎，唔好玩啦！』」他曾報考警員、救護員，都全因體能「肥佬」被拒門外，「引體向上要做到七下，我只做到兩下」。記者問他為何不早作操練，他腼腆說：「下次會留意吓。」
中大曾公佈 08年畢業生平均月薪 17,898元，阿鵬於 09年 9月開始申領失業綜援，每月 1,830元，「每日得 61蚊用，朝早食杯麪，午餐晚飯食超巿 19蚊特價飯，有時要慳錢搭車見工，晚飯都唔食」。由於沒有錢買衣服，阿鵬每天都是穿同一套見工西裝外出。
「讀唔讀書有乜分別」無朋友、無拍拖、無人理，鬱悶無出路，阿鵬於是在網誌上以《中大碩士失業漢》為題撰文宣洩。引來網民熱烈討論，有網民指梁不肯放下身段由低做起，認為他缺乏社交及溝通技巧，落得如此下場與人無尤，亦有自稱中大學生行為影響中大校譽，建議校方或校友出手相助。
碩士畢業要吃綜援，阿鵬說不怕別人眼光，認為自己的故事是對教育制度的侮辱，「連碩士生都冇能力靠自己生活，咁讀唔讀書有乜分別？叫啲細路點會勤力讀書？根本係浪費納稅人嘅錢……」
「希望社會畀機會我」記者反覆問他，為何每年那麼多人大學畢業，惟獨他找不到工作，他最後還是承認自己有責任，「可能自己見工表現差，人際關係唔好，我有嘗試改變，但學唔識，讀書又冇教，希望社會畀個機會我！」
記者問阿鵬是否感到自己屬於「高分低能」，他說：「我唔覺自己係，但身邊好多人係。年輕人要為公開試掙扎，消耗晒所有精神，社交同溝通技巧梗係有問題。」
模擬見工記 面試零眼神接觸遭狂插
「你冇熱情、唔投入、冇性格，過程中連一眼都冇望過我……」資深人事顧問 CORE SEARCH的董事總經理張慧敏，與阿鵬進行模擬面試後直指其表現差勁，坦言：「係老闆都唔會請你！」
「似部錄音機，內容空洞」
張慧敏說，阿鵬面試過程全無眼神接觸，其次是問非所答：「你話自己強項係邏輯分析，又話好勤力，但你冇做嘢兩年，成日喺商場 hea，我睇唔到你有幾勤力。」經常將「中大碩士畢業」掛在嘴邊更是第三個致命傷，「畢業證書只係入場券，我要請嘅係你個人。你碩士畢業，但要求五、六千蚊人工，令人覺得好奇怪！」最後是溝通技巧差劣，「你好似部錄音機，重複內容空洞」。
張續提點阿鵬要先放下碩士生的包袱：「你見過 200幾份工，經歷咁多次失敗，一定會有啲得着，自己有冇檢討？」至於阿鵬的「見工 Look」，張認為尚可接受，「但係頭髮可唔可以整吓，最低限度要乾淨企理……件白恤衫好似灰色喎」。當她把錦囊妙計傾囊相授時，阿鵬坐在一旁無甚反應，表現不耐煩。
阿鵬強調渴望改變，記者特別為他安排這個模擬面試，他最初表現雀躍。面試前一日，記者致電約他翌日早上 10時半在中環恒生銀行總行等，他回應：「好呀，中環港鐵站恒生銀行。」記者強調是恒生總行，他大聲說：「我唔識去呀，都係中環站恒生等啦。
」
到第二日早上 10時，阿鵬以短訊通知記者：「我肚痛，改期吧！」記者即時回電及以短訊了解，再到其住所「尋人」，但均無果。當日下午 3時許，記者終於找到阿鵬，經再三勸說後，他才願意與張會面。
「佢係唔係高分低能？ Sorry，我唔覺得佢高分，至於低能係貶意，我唔方便評論……」張慧敏對阿鵬評價似有保留，其女助手則有另一番體會。當阿鵬在辦公室等候時，助手問他要否飲東西，他說：「果汁吖唔該！」「我哋公司冇果汁，只有茶或水…」「咁要茶啦，有冇果汁茶呀？」助手當場語塞。
本報記者
http://www1.hk.apple.nextmedia.c ... amp;art_id=14970809
本帖最後由 AIRSHIP 於 2011-2-14 12:03 編輯
「一上網勁到拋離世界，一開口就被世界拋離」。浸會大學社會工作系講師邵家臻表示， 80後 Y世代是「網上原住民」，與現實社會脫節，一旦離開電腦便不懂溝通。他指出現時很多大學畢業生是所謂「高分低能族」：「佢哋 IQ好高，但溝通技巧差，自我感覺良好；或者對工作、對生活無興趣、無熱誠，令很多大公司人事部均頭痛叫苦。」
典型80後問題
本帖最後由 何偉濤 於 2011-2-14 11:56 編輯
佢有點活在自己既世界, 即使佢讀到博士都未必可以晌學術發展
"當阿鵬在辦公室等候時，助手問他要否飲東西，他說：「果汁吖唔該！」「我哋公司冇果汁，只有茶或水…」「咁要茶啦，有冇果汁茶呀？」助手當場語塞。" <--- To me he sounds like a completely spoilt child.
此君簡直是浪費自己時間和政府金錢。
何偉濤 發表於 2011-2-14 11:53 
佢有點活在自己既世界, 即使佢讀到博士都未必可以晌學術發展
我會覺得佢未必有本事讀到博士!
AIRSHIP 發表於 2011-2-14 11:55
我會覺得佢未必有本事讀到博士!
如果口才不濟，論文答辯一定失敗。
回復 AIRSHIP 的帖子
佢成積真係好好, 入到博士課程應該無問題, 可唔可以做到原創性研究 (讀博士就係要求呢樣) 就係另一件事
何偉濤 發表於 2011-2-14 11:57
回復 AIRSHIP 的帖子
佢成積真係好好, 入到博士課程應該無問題, 可唔可以做到原創性研究 (讀博士就係要求呢 ...
讀到同畢業係兩回事!
這是社會的錯;P
何偉濤 發表於 2011-2-14 11:57
回復 AIRSHIP 的帖子
佢成積真係好好, 入到博士課程應該無問題, 可唔可以做到原創性研究 (讀博士就係要求呢 ...
博士論文需要答辯。如果答辯fail，就無法畢業。
morris_2007 發表於 2011-2-14 17:18
這是社會的錯:p
反正你錯佢錯，自己就係無錯;P
沈 祖 堯 ： 中 大 畢 業 生 求 職 成 功 率 高
中 文 大 學 校 長 沈 祖 堯 期 望 ， 下 周 公 布 的 財 政 預 算 案 ， 政 府 能 大 力 支 持 發 展 科 研 ， 及 推 出 第 5 輪 配 對 基 金 。
對 於 有 報 道 指 ， 一 名 中 大 碩 士 畢 業 生 求 職 面 試 200 多 次 也 不 成 功 ， 沈 祖 堯 認 為 是 個 別 事 件 ， 強 調 中 大 畢 業 生 求 職 成 功 率 高 ， 僱 主 亦 對 他 們 表 現 及 待 人 接 物 態 度 感 到 滿 意 。 他 會 先 了 解 事 件 ， 並 有 興 趣 約 見 這 名 校 友 ， 有 能 力 會 提 供 協 助 。
另 外 ， 醫 學 院 院 長 霍 泰 輝 表 示 ， 為 配 合 醫 療 改 革 ， 學 院 有 意 興 建 私 立 醫 院 ， 預 計 投 資 幾 十 億 元 ， 提 供 三 百 個 床 位 ， 收 費 會 是 公 開 透 明 ， 亦 會 是 公 眾 所 能 負 擔 ， 讓 市 民 在 公 立 醫 院 及 私 家 醫 院 之 間 有 選 擇 。
http://rthk.hk/rthk/news/expressnews/20110214/news_20110214_55_733823.htm
中大真係多得條友唔小!
AIRSHIP 發表於 2011-2-14 18:08
沈 祖 堯 ： 中 大 畢 業 生 求 職 成 功 率 高
中 文 大 學 校 長 沈 祖 堯 期 望 ， 下 周 公 布 的 財 ...
中大之恥。
本帖最後由 張召忠 於 2011-2-16 01:55 編輯
孤寂如雲 發表於 2011-2-15 22:22 
中大之恥。
轉載自香港討論區：
講句公道說話,中大條友...
高學歷完成, 先找唔到相應既職位,
再找d唔match既麥記,
第一, 老闆先唔請,
第二, 就算做,under個 中五, 佢仲有命既:lol
個問題係, 點解市場無佢相應既職位,,,,,,
香港無了, 好似菲律賓咁, 個d 賓賓, 個個都degree holder, 祖家又係咁,無職位,,,,,,,,要出去打工做家傭.....
(我老細個賓賓,來香港日日做餸,洗腕,掃地,,,,,原來她是係 maths degree 畢業的...)
以前成日講,香港大學生都要掃街, 終於成真了..:lol
ps. 其實如果政府係民選,第一先唔會官商勾結, 政府cut cost,
唔cut cost, 統計署大把位佢做啦.....:lol
佢真係生不逄事, 幾十年前, 巳經係統計署做緊, ,,仲駛咁....
巳且, 佢作為一個失業者, 求緊職既,
唔係講出左大家既心聲,遇到既困難咩..:lol
(佢話老闆成日質疑佢既學歷, 點解? 可以壓價馬.....哈哈
佢個人其實係好老實,有個句講果句, 忠忠直直,XXXX...
誠, 呢樣野, 睇來現今社會不太合用,,,定係....
(老曾係咁錯估幾百億赤字,攞明當香港人係傻仔,條老胡里, 撈到風山水起.
..)
------------------
仲有,
佢唔係低能, 小弟放大過佢張post-grad, cert ,..一睇...嘩
科科唔係A 就係B+, 各位要記住,唔係咩AL LEVEL, 係CU 既碩士LEVEL, CU巳經難入, UNDERGRADUATE 果D A都好鬼難攞,,個個勁人,
全部都係數來, 咩 MULTI-VARIABLE,,
........
可能對得數字多, 再加幾年失業生涯, 果人無晒自信,
抬唔起頭做人啦....:lol
PS. 支持佢啦, 其實佢只欠一份自信,
有自信, 自然有眼神, 有眼神自然有熱誠, 有熱誠自然好態度啦...:lol
自信.....
本帖最後由 wheretogo 於 2011-2-16 02:28 編輯
張召忠 發表於 2011-2-16 01:53
轉載自香港討論區：
借助傳媒上位成功;P
本帖最後由 孤寂如雲 於 2011-2-16 02:39 編輯
我覺得200次失敗並不算什麽，重要的是要學會總結和反省。
影星史泰龍失敗1499次才有一次成功，人家一樣可以成名。
如果失敗200次還不懂得分析問題，懇請學校收回他的學位吧，簡直有辱於中大的校譽。
真是辛苦沈校長親自接見他了:(