注意衛生！防患陰道炎

sammikk

陰道炎係一種好常見嘅婦科疾病，成因好多時係由念珠菌感染引起，有時就會係細菌感染而起，患者嘅外陰會感到痕癢或有灼熱感覺、陰道嘅分泌物會增多，呈白色及較為濃稠，狀似豆腐渣。
經常進行性行為／轉換性伴侶都會增加感染風險，但即使你無性行為，喺日常生活中嘅一啲小習慣都有機會令你感染，所以一定要注意個人衛生。以下係提醒大家要注意嘅事項：
•        避免使用公共洗手間提供嘅廁紙，因為嗰啲廁紙質素參差，加上清潔工人處理不當，會令廁紙含菌量增加，大家最好自備紙巾。
•        大便及小便後用紙巾清潔時，應由前面抹向後方，避免將細菌帶到陰道。
•        月經期間要更加注意下身嘅衛生，例如勤換衛生巾。
•        應時常保持下身清潔乾爽，預防微生物滋生，例如穿著透氣度高嘅內褲同褲子，尤其係夏天，要 減少著緊身褲。
•        沖涼時，可選用弱酸性（建議pH值為3.5-4.5之間）嘅女性護理液清洗外陰，保持清潔。