CY前親信倒戈

morris_2007

撰文轟舊老細轉移視線

【明報專訊】候任特首梁振英嘅前助理鄭希喧（Scott）噚日喺報章撰文，質疑梁振英處理僭建風波時，只懂用政治化妝術轉移外界視線，未有將真相講清楚，釋除外界疑惑。Scott更批評CY回應李旺陽「被自殺」一案，以及被指喺立法會「強行打尖」審議改組決議案，「觸發港人對內地地方政府橫蠻霸道行為感到憎惡、不安，亦令部份港人對CY留下『專橫霸道』的負面印象」。

評CY表現留「專橫霸道」印象

Scott喺CY競選特首前，已出任其私人助理多年，但CY當選後，佢未有獲邀喺候任辦擔任官職。本身係公關顧問嘅Scott喺《頭條日報》撰文，點評CY處理僭建風波策略。佢話CY本來希望用「快刀斬亂麻」方式處理今次危機，但後來被揭有更多僭建物後，就更改策略，將事件定調為「疏忽」及「無心之失」，不涉誠信問題，更轉移外界視線。

Scott話，CY多次發表似是而非論點，終令事件升溫，直言即使CY有神乎其技嘅政治公關化妝術，都無法「長期在劣質東西的表面上貼上永久金箔，將其變成優質的物件」。Scott相信CY表現將激發更多市民參與七一遊行。

http://news.sina.com.hk/news/3/1/1/2705945/1.html

咁快倒戈{:soembrass:}