社民連籌25萬 元旦最吸金

morris_2007

政團遊行豐收

【明報專訊】過去嘅元旦遊行鮮有較單一明確嘅議題，參與者一向唔算多，但今年嘅倒梁風咁熾熱，倒梁陣營大會聲稱有13萬人出席，港大民研估計有3萬至3.3萬人。沿路擺街站籌款嘅政黨就大豐收，當中社民連繼續成為吸金王，吸到25萬捐款。


女將落力 公民黨籌18萬

被視為泛民最窮政黨嘅社民連，喺冇賣任何紀念品下吸到25萬。佢哋唔單止靠粉絲眾多嘅「長毛」梁國雄，據聞其他冇佢站台嘅街站籌款箱亦塞滿百元「紅衫魚」，莫非市民愈來愈認同佢哋嘅抗爭路線？


至於排第二位嘅係公民黨，總共籌得18.4萬元，兩名闊別議會、嗌足成日咪嘅女將余若薇同陳淑莊居功至偉，而佢哋設計嘅狼tee亦售出300幾件。


民主黨「快落台」tee好賣

近期大搞創意設計嘅民主黨亦籌得13萬幾，當中要求梁振英「快落台」tee更大賣500幾件。該黨總幹事林卓廷仲話，好多人離遠見到「快落台」嘅logo，已經認得係民主黨作品。同社民連一樣冇賣嘢嘅工黨，亦籌得10.3萬，成績唔錯。


學民思潮仍數緊捐款

獲跨階層支持嘅學民思潮，係最有機會「擊倒」社民連成為終極吸金王嘅組織，但召集人黃之鋒就話目前仲點算緊所得捐款。各個政黨團體都喺元旦籌得第一桶金，難怪當初警方唔畀佢哋擺街站嗰陣，會遭到群起反對啦。

http://news.sina.com.hk/news/20130103/-2-2862398/1.html

借機搵錢{:heyhey:}