陳雲宣布退出香港社運

morris_2007

過去曾主張「城邦論」、被本土派人士稱「國師」嘅嶺南大學中文系前助理教授陳雲(原名陳云根)，今日(28日)在Facebook發貼宣布退出香港社運，仲話今後繼續以往嘅學術研究、時事評論等。不過，佢選擇呢個時候退出社運，時間相當敏感，唔通佢淆底戴定頭盔？

陳雲曾經出過一本名為《香港城邦論》嘅書，喺2016年曾經參與立法會選舉，當時佢主張「永續基本法」，喺輸議席後已宣布係最後一次喺香港嘅政治行動。佢今午喺Facebook上宣布退出社運，話香港大部分人唔需要佢嘅社運理論指導，將香港嘅命運交咗畀泛民同港獨，仲話將香港推入國際政治鬥爭嘅黑洞，係吉凶難料。

陳雲仲話自己過去十年所做嘅都係善意、有利維護中港關係，但被泛民港獨騎劫，做咗啲惡意同埋破壞中港關係嘅工作。佢話，本來主張維護中港共榮關係嘅本土派被泛民媒體騎劫同刻意宣傳，變成港獨派錯誤代表了本土派，仲話泛民港獨得到大部分港人支持，贏議席但輸香港，喺現代社會因人民為大，故尊重大部分港人要輸掉香港嘅決定。

東網