樹根變身科技樹根

morris_2007

【明報專訊】外界成日笑民建聯鍾樹根係「典型區佬」，但其實佢先至係真真正正走喺科技最尖端！事關鍾樹根嘅辦事處最近引入新嘅會員系統，將傳統一張張嘅會員證改革成「智能鎖匙扣」，職員只要輕輕一「嘟」，就知道會員最近參加過辦事處搞嘅乜嘢活動。


智能鎖匙扣代會員證

民主黨副主席羅健熙話，樹根呢招認真絕，皆因當用咗呢個系統後，就可以好輕易知道街坊幾時、幾密參加過樹根嘅活動，到選舉時，就可以用呢啲資料助選。佢認為，民建聯咁努力動員建立會員資料庫，民主黨目前明顯落後，會視之為一種警戒。


鍾樹根就話，過去有啲老人家，有時攞完「禮物」後會唔記得咗而再攞，有啲就唔記得嚟攞，有咗呢個系統，就可以提醒佢哋。至於怕唔怕老人家跌咗鎖匙扣，泄露佢哋嘅個人資料呢？樹根就強調，個鎖匙扣只有會員號碼咁大把，唔會有咩問題咁話。

http://news.sina.com.hk/news/20130305/-2-2909929/1.html

智能鎖匙扣成本幾錢個?