陶君行叫黃毓民收聲 「搞散社民連，中共最開心！」

孤寂如雲

【本報訊】社民連去年底開始內訌不絕，有黨員甚至聯署要求倒閣。主席陶君行昨天特別會見記者反擊，暗指前主席黃毓民是幕後黑手，有想「搞散」社民連之嫌，呼籲黃毓民別再「無理取鬧」，聲言該黨分裂，黃毓民要負上最大責任，質問：「搞散社民連，邊個最開心？中共最開心！」

由去年底倒前秘書長季詩傑、到任亮憲反對成立地區支部及聯署倒閣，再到近期社民連被揭註冊公司風波，陶君行形容「全世界都知道幕後發功係邊個」，點名指黃毓民常在網上電台節目向他「發炮」，「所有風波都唔係我哋想見到，而係佢一手推出嚟」。

陶君行稱過往多次與黃毓民討論相關問題，「但我觸摸唔到佢嘅情緒」，「佢一時好勞氣，一時又話乜都唔想理，一時又會好言相勸」，並且經常「講完啲嘢唔算數」。以成立地區支部為例，陶指黃毓民當時表明無意見，最終卻「反枱」，「即係畀個氹我踩」。黃毓民助理更在去年 11月 9日向該黨領導發出電郵，表明暫停黨團會議，但未有說明原因。

一直未有公開高調回應的陶君行昨日特別會見記者，強調近兩、三個月來已不斷讓步，但未能平息黨內風波，呼籲黃毓民「無理取鬧嘅嘢唔該收聲」，質疑指「搞散社民連，邊啲人最開心？邊啲人最得益？中共一定最開心。咁樣對個民主運動有乜嘢幫助？目的係咪搞散社民連？」並指「你問我身邊嘅人有冇鬼？梗係有，不過無證據。」

希望「唔再無理取鬧」

近期被黃毓民直斥「領導無方」要落台的陶君行，當日其實是在包括黃毓民一眾領導推薦下接任主席，現反過來成為黃毓民「開拖」對象，陶君行苦笑稱目前已是「騎虎難下」，「如果佢唔再無理取鬧，我就領導有方；只要佢唔喺懸崖邊踢我一腳，我就 okay。」他強調若要數分裂社民連責任誰屬，「我要負責任，但佢要承擔大部份責任。」黃毓民至截稿前未有回覆。

http://hk.apple.nextmedia.com/template/apple/art_main.php?iss_id=20110112&sec_id=4104&subsec_id=11867&art_id=14860486

我不知中共是否開心，不過社團連解散，我會好開心:loveliness: