中電800萬講核電

morris_2007

【明報專訊】日本福島核事故令唔少港人關注核電安全，為咗加強市民認識核電，中電斥資800萬元喺九龍灣國際展貿中心設立本港首個「核能資源中心」，噚日正式開幕，中電邀請Emily先睹為快。

核資源中心揭幕中電董事總經理（核電業務）陳紹雄話，核能資源中心分為7個主題展區，除咗展板，部分展區仲設有電子書、電腦遊戲同埋動畫，畀市民認識更多核電安全及管理等程序，以及其他國家點樣發展核電等。


陳紹雄話，除介紹核電嘅效益，展館亦有講到過去唔少核事故，包括美國三哩島核事故、烏克蘭切爾諾貝爾核事件，以及去年嘅福島核事故等，等市民了解核電嘅優缺點。預料展館開放後每年可以吸引約1萬人參觀，市民可透過中電網頁登記。


今次成立展館，唔知係咪要話畀政府知，發展核電係大勢所趨？陳紹雄話，未來本港係咪要提高核電發電比例，仍然要等待政府落實喺2020年用50%核電同40%天然氣發電政策，但佢話，明白市民始終擔憂核電安全，強調話先要有公眾共識，先至可以考慮。

http://www2.news.sina.com.hk/news/2/1/1/2677819/1.html

有時間應該參觀!