OL剝光豬 「禁錮」美容院

morris_2007

OL剝光豬 「禁錮」美容院

【東方日報專訊】愛美女士到美容院美容按摩，小心被「裸銷」，捱凍又破財！一名妙齡OL，早前到美容院享受全身按摩期間，被兩名女職員強留在療程冷氣房內，當時全身赤裸，僅得一塊毛巾包着身體的OL，不斷被游說購買美胸塑身療程，疲勞轟炸捱凍四小時，加上多個小時滴水未沾，飢寒交迫，OL最終買下五萬元療程，始能脫身。美容業界指，個別商戶營商手法有待改善，並呼籲消費者須衡量個人能力及需要，切勿衝動消費。

任職秘書，現年二十四歲的張小姐，跟不少愛美人士一樣，閒時都愛美容及按摩。她購入旺角一間美容院的全身按摩療程套票，擬享受身心放鬆一刻，未料卻變成裸體捱凍捱餓的慘痛經歷。張女按預約時間下午三時到美容院享用按摩服務，期間她全身赤裸，僅得一塊毛巾裹體，至下午五時左右完成按摩服務，正當她打算穿回衣服離開之際，「點知兩個女職員呢個時候入咗（療程）房。」

又凍又飢渴  焗買五萬元療程

兩名女職員硬銷美胸以及塑身療程，更聲稱能夠提供即時試做，「我原本約咗人，而且覺得根本無咁嘅需要，咪同佢哋講唔使，點知佢哋話好快就得，講多兩講，我心軟應承咗試做。」

張原以為半小時左右可離開，詎料美胸及塑身療程一做就是四小時，「嗰兩個女職員，一個喺度幫我試做，另一個係咁彈我身形唔得，又話我個樣唔靚，一邊打擊我自信，一邊係咁叫我買療程！」她雖然一再拒絕，更表示「趕時間」希望離開，但對方全不理會，只表示「好快做完」，期間更拿出計算機不斷o架，打出一系列數字，硬銷療程頻說「真係好抵」，張女期間滴水未沾，「間房得大概攝氏二十度，我又咁多個鐘無食嘢飲水，又凍又餓，開始有啲唔清醒。」

張禁不住疲勞轟炸，終於在晚上七時多，購買多個美胸及塑身療程，更以信用卡一次付清接近五萬元費用。

報案求助消委會  都唔肯賠

試做療程於晚上九時許完成，張終能穿回衣服，事後她深感事件大有問題，從下午三時起計算，她赤身露體在冷氣房內冰封近七小時，愈想愈嬲，並到警署備案，其後更向消費者委員會求助，「同美容院有過幾次書信來往，但對方都係堅持唔肯賠償。」張表示，至今從未進行過相關療程，亦未有再使用原先所購的按摩療程套票。

http://www2.news.sina.com.hk/news/2/1/1/2725723/1.html?l=938122

擺明屈錢{:sowhat:}