黃浩遭掌摑：我做錯乜？志偉封嘴

孤寂如雲

(星島日報報道)曾志偉與徐淑敏老公黃浩前晚出席港姐鄭嘉雯婚宴，最後卻鬧上警署。有指與陳奕迅份屬好友的志偉，在酒精影響下在婚宴尾聲掌摑了近日聲稱存有「毒片」的黃浩，但事件始末昨日鬧出兩個不同版本的「雙胞胎」。當事人黃浩承認被打，但不肯透露是誰。志偉則表示不方便回應。有份出席婚宴的梁烈唯坦言見不到有掌摑事件發生，還暗諷黃浩可能有妄想逼害症。文、圖：娛樂組


　　前港姐鄭嘉雯與晨曦足球會班主之子周志豪前晚在萬豪酒店舉行婚宴，筵開50多席宴請親友，不少圈中藝人到賀，星光熠熠。可惜婚宴尾聲卻發生不快之事，有指飲醉的曾志偉，不忿近日聲稱擁有「毒片」的黃浩，弄得娛圈滿城風雨，在酒精影響下掌摑黃浩，其後黃浩報警，志偉亦有現身警署協助調查。

　　事隔一天，掌摑事件卻有兩個版本出現。有指前晚11時半左右，志偉與梁漢文一同上前警告黃浩，後來志偉突然掌摑黃浩。另一個版本是志偉向黃浩說：「o靚仔唔好搞咁多嘢，算啦！」其後沈嘉偉與兩個朋友加入一起傾偈，但當大家準備離開時，志偉便忍不住向黃浩說：「o靚仔咪玩嘢呀！」然後便一巴打向黃浩，有酒店職員見狀便報警。


　　曾志偉：唔方便回應

　　昨日本報分別聯絡兩位當事人，志偉表示：「而家真係唔方便交代住，無回應！」

　　黃浩初時表示律師不建議他接受訪問，並謂：「畀啲時間大家冷靜下，我而家唔會再回應。」其後他又承認被人襲擊，但不能透露是誰，他說：「事件擾攘年多，由一罐18元的汽水開始，當時因員工的錯誤，令客人不滿，但我當時根本不在場，為何對方要不斷在微博攻擊我，又攻擊我女兒，話我呃奶粉錢。」


　　黃浩：點解要我揹晒

　　談到懷疑有藝人在其餐廳吸毒一事？黃浩說：「我無講過邊個名人明星來我餐廳食飯，但依然被人圍攻、整蠱我，對方仲將行動升級，打埋人添。直至現在，我都唔明自己錯乜，摸不着頭腦。我最對不起一對新人，結婚是開心日子，發生這些事令人不安，所以發生事時，我也盡快離場，但酒店已報警，在停車場取車時，警察問我，看我臉上的傷勢，用救護車送我到醫院驗傷，再折返警署錄口供，但我當時不適，便返家休息。」

　　追問可有為事件感不忿？黃浩說：「已經超越了我接受的地步，不是嬲與唔順氣的問題，我百思不得其解，好唔明，點解會搞到這個田地，自己不在場，又不是我做錯事，點解要我揹晒！（你有何要求？）無做錯事的人，包括我，要還一個清白，聲譽好重要；做錯事的人，希望佢哋真係平心靜氣，要諗自己有無做錯。我都有反思自己有無做錯，我都試過做錯事，咪向人道歉，希望對方諒解明白，我不會要求別人做甚麼，只希望盡快解決件事，大誤會化小誤會，小誤會變無事。（需要再到警署補落口供？）有需要也會。（會告襲擊者嗎？）睇佢係咪有心，定係醉咗，定係玩吓，我都要知道情況。」


　　梁烈唯：黃生有妄想逼害症

　　有份出席婚宴的梁烈唯、周家蔚與吳家樂等，均表示沒看到掌摑事件。梁烈唯笑言：「可能黃生（黃浩）太緊張，佢可能有妄想逼害症。我當時唱完歌便走，趕住拍戲。絕對不相信有人打人，只知佢係Suki（徐淑敏）老公，佢比較鍾意製造是非，可能令自己更有新聞價值。好奇怪他是生意人，點解搞到好似做娛樂圈咁。其實結婚係開心事，搞到咁，唔知佢係咪幫王維基做編劇，搞啲連續劇出來。」

　　周家蔚則表示：「我上網睇新聞片段覺得好好笑，我見唔到黃浩有飲咁多酒，無飲但唔知點解會嘔，成件事我覺得好假。我坐足成晚，但就唔見有咩衝突事發生，我覺得講到好誇張、好離譜。Suki係我好姊妹，我估佢呢排都煩，唔想搵佢住，或者遲啲先啦！」

　　吳家樂昨日與太太到銅鑼灣逛街，遇見記者便不斷說：「無喎，無喎！」意指自己沒見到這件事發生。

　　范振鋒則謂：「前晚我在台上做婚禮司儀，落到台先聽到有人講，只係覺得佢哋都好醉，成件事都係飲咗酒而起，其實好小事，大家都唔好放大就好了。」

　　曾志偉前晚喜孜孜出席鄭嘉雯婚宴，豈料其後會發生不快事件。
　　溫拿與志偉前晚齊齊出席婚宴，更舉杯暢飲。
　　吳家樂昨日現身銅鑼灣逛街，自言前晚沒見到動粗事件。
　　擔任新娘姊妹的周家蔚（前排左一），直言坐足全晚，都沒有見到掌摑事件。
　　掌摑事件鬧出「雙胞胎」，其中一個版本與梁漢文有關。
　　梁烈唯笑言黃浩可能有妄想逼害症。

星島日報

娛樂圈非一般人可以理解的。
另外，王維基躺著中槍。