蕭若元同人民力量割蓆

morris_2007

鬧無正義 網台唔預慢必劉嘉鴻

【明報專訊】人網老闆蕭若元上星期宣布營運人網到本月底，當時未有言明原因，噚晚蕭生喺佢嘅網台節目，點名大鬧「人民力量」無正義，又大鬧喺「佔領中環」議題上主張本土派嘅人，直指同法西斯無乜分別。蕭生喺節目話，「點可以將人網畀人力run（營運）？」，擺明同人力割蓆。


蕭生上星期宣布人力執笠後，支持者紛表可惜，呼籲佢收回決定。噚晚蕭生喺佢嘅網台節目《風也蕭蕭》澄清人網網站唔會關閉，但網台就唔會再咁大型，人網呢個名亦會改，佢自己會喺新網台做兩個鐘節目，保證網民鍾意嘅節目都會保留，日後時事節目就唔會再有明顯政黨傾向。蕭生更點名話，人力主席劉嘉鴻同立法會議員陳志全唔可以做佢嘅網台節目，因為兩人政黨色彩太濃喎。


「點叫佢主持公義？」

蕭生喺節目話「非同人力割蓆不可」，係因為人力無正義可言，大鬧上年立法會選舉期間，黃洋達團隊不停話人力副主席甄燊港收共產黨錢，但人力執委無出嚟主持正義。蕭生話人力唔講清楚是非，「點叫佢主持社會公義？」


盛傳蕭生同黃毓民喺佔領中環上意見分歧，噚日蕭生喺節目表明堵塞中環唔係暴力，又話若果運動唔排除暴力，就一定唔會得到市民支持。佢指宣揚本土派嘅係政治投機，仲批評呢啲係法西斯思想。

http://news.sina.com.hk/news/20130326/-2-2927534/1.html

係指標權問題,不是正義問題{:heyhey:}

.