青關會矛頭轉向「某支部」

morris_2007

出banner澄清非敏感組織

【明報專訊】香港青年關愛協會矛頭一向指向法輪功，兩個團體不時在旺區「橫額大戰」，但過最近喺上水，發現青關會掛起banner，內容唔係針對法輪功，而係回應「某支部主席」，強調青關會絕對唔係敏感組織，只係抵制邪教反中亂港。雖然無點名，但北區係民建聯地頭，似乎佢講嘅對象係民建聯喇。

民建聯北區支部主席劉國勳就同Emily呻，話被青關會迫害，佢話自己並無公開講青關會係敏感組織，不過內部就提醒黨友，若果要同其他團體合作搞活動要小心，亦唔應該隨便借出辦事處地方畀其他團體；如果要合作，都應該知會黨。唔知點解青關會要咁樣出banner回應。

民記劉國勳：被迫害

Emily唔知青關會同劉國勳之間嘅恩怨，不過似乎青關會好有錢，因為周圍掛banner都要錢先整得到！

明報