白鴿愛鳳姐 民主黨總幹事偷歡

AIRSHIP

【東方日報專訊】民主黨成員又爆情色醜聞。該黨總幹事、前九龍城區議會副主席陳家偉，被嫖客爆料指他到鳳樓尋歡。本報記者昨在尖沙咀香檳大廈的鳳樓外，目擊陳在鳳姐「婷婷」的房間逗留四十分鐘後，女管房替「完事」的陳開門送客。陳見到記者鏡頭即狼狽逃跑，「走唔甩」後垂頭喪氣，支吾以對及驚出一身汗。他承認背黨、瞞妻光顧鳳樓，又辯稱付錢給鳳姐做「訪談」，並叫全裸鳳姐在他面前示範各種性愛姿勢，他在旁提點如何才是安全性行為。陳稱考慮今日請辭。

據認識陳家偉的一名嫖客稱，他上月在尖沙咀香檳大廈鳳樓外認出陳。昨日下午五時半，又見陳在四樓一個鳳樓外現身，單位外貼有「陀地區」標誌，因「陀地女」較受歡迎，故有不少嫖客排隊輪候，陳排第一位，其後見他被招呼入鳳姐「婷婷」的單位。該嫖客稱：「上個月見過佢啦，又係四樓嗰個單位，我仲叫錯佢張家偉，佢就同我講話我記啱佢個名但記錯佢個姓，跟住佢就急急腳走咗！」

街頭解畫：鳳姐赤裸擺性愛姿勢

記者接到爆料趕到現場時，發現陳進入的鳳樓外紅色燈已亮起，記者寸步不離守候在門外，至傍晚六時十分，一名女管房開門送陳離開，陳家偉施施然步出，他一看記者舉機拍攝，即時面色大變，慌張地低頭急步走避，更「熟架步」沿後樓梯飛奔四層樓跑出大廈。記者窮追不捨及質問，陳無奈地在街頭「解畫」，期間汗流滿面、一臉頹喪。

記者問他身為民主黨總幹事為何到鳳樓嫖妓，陳支吾道：「我係有入去……入去基本上做訪談，我要畀錢o架！你估真係唔使畀錢呀？要問資料就要畀錢o架啦！」問他有嫖客指他是「熟客」，緊張到滴冷汗的陳頻說：「係呀！梗係啦！有做訪談好多度都做，問吓佢經驗、點解做、幾多錢，要畀錢o 架，如果唔係做唔到訪談！」

他又面露無辜地說，類似訪談工作已做了幾年，「club我都去過！」又說：「我已婚，我有話過畀佢聽，但當然好詳細就無。」但今次「訪談」與民主黨無關，其妻亦不知情，「係私人性質，因為我以前做過性工作者訪問，我以前係紫藤一員，依家無合作。」、「我做區議員之前已經做緊，我做紫藤成員應該係九六、九七年，我同紫藤合作只係做男仔，即係俗稱鴨。」

記者問他與鳳姐獨處一室做甚麼，陳語無倫次地說：「好老實我唔會影相，所以佢哋安全嘅，我會話畀佢哋知我想點樣，我畀錢，我覺得我唔應該唔畀錢……大家點睇畀錢唔畀錢呢，我無辦法嘅。」在記者窮追猛打下，他才稱訪談期間鳳姐全身赤裸，並在他要求下擺出各種性愛姿勢，「包括男士要求佢點做、過程上面點樣保護自己、拉袋（戴避孕袋）咁點保護法呢？」、「我有叫佢做啲同客人做嘅動作，但唔係做響我身上。」

難自圓其說 今日向黨主席交代

陳又說與鳳姐無身體接觸，亦沒有自瀆。被問到為何不邀請民主黨職員或紫藤成員同行時，他稱：「因為唔係兩個人，唔可以三個人。」陳又聲稱自己幫過不少鳳姐，包括介紹她們去驗愛滋，當記者問他如何介紹時，他即故作輕鬆說：「唉！驗aids唔使醫生唔使化驗所，aids有aids熱線o架！」又說自己曾陪女仔向高利貸講數，「第二，係錢嘅問題，有啲欠大耳窿，我試過陪佢哋見，唔係唔使還，叫做債務重組囉！」陳又煞有介事稱做了數年有關鳳姐的訪談，平均每月會兩次到訪不同的鳳樓，期間亦會四處問價，但他在鳳姐圈卻沒有人認識，甚至不知道他全名和身份，「我有講我姓陳。」

記者問他是否有宗教信仰，陳低頭沉默一會說：「我保持緘默。」面對追問，陳始終不肯親口說與妓女發生性行為，只以點頭或吞吞吐吐帶過，又強調昨日是以私人身份到訪鳳樓，「同事淨係知我出嚟……」、我今日會向我主席匯報，唔係你聽日（報道）出街咁我點呢？」

最後陳家偉感到很難自圓其說，惟有向記者攤牌：「我諗公眾嗰度好難解釋我係清白。我一定要同主席講，最大問題係作為一個政黨嘅人，我一定唔可以唔處理唔關心個政黨聲譽，無論點，出入呢幢大廈始終唔係一件大家會好鍾意嘅事啦！」

突發組、調查組

http://www2.news.sina.com.hk/news/4/1/1/2380094/1.html

搞得政治,就應該知道要同錢同女人保持距離!

morris_2007