煩請城大同學仔入,有關學生會批鬥大會

Jacob

以下內容曾於此討論區發表過,唯不知何故討論區事後無法登入,再稍後連本人ac都消失埋.
本人無意針對任何一方.本人亦希望本討論區能夠切實履行承諾之尊重言論自由,不要隨意鏟除討論內容.

給城大有意參選學生會的新同學:

不吐不快!本人難得有機會搵地方講兩句!!文筆有少少混亂,見諒!我會不斷修改部分文字以使文筆通順.
本人係10年城大畢業生,曾經擔任城大學生會內閣外圍搞手,都算係成員一名.作為老鬼,我有機會親臨今年學生會候選內閣問答大會擔任搞手..
問答大會晚上開始進行,通宵舉行.名為問答,其實就火藥味好重,同批鬥審訊無乜分別.而且觀眾好少,得圍內友先至可以進入會場.
問答大會主要內容,包括點解要競選學生會,當選學生會會做乜,有乜福利俾到學生.最精彩部分當屬政治背景審查.前任學生會內閣成員會輪流問候任學生會內閣成員(主要係主席)政治立場,包括是否親共,是否反共,支持23條嗎,係咪支持學聯與泛民立場,會否繼續支持學聯政策等等.基本上老鬼問完你就要答,不得猶疑,一猶疑就會俾人質疑你係咪想掩飾自己.關於是否親共,我可以保證,如果你想當選,一定要答NO.是否支持學聯,相信各位已經有答案!因為係外圍而非內閣,我無機會問.就算搵我問,我都寧願揀較溫和問題.
批鬥大會之所以要疲勞作戰,主要目的係通過呢種手段令候選人露出破綻,如果係大陸中共特派,或者實質上反對泛民或者學聯,好容易答非所問.被審訊者好慘,要坐定定俾人群抽,當然我地觀眾都好辛苦,要等到第二日先至可以離開校園.城大校園不大,半夜三更行下都無妨,不過要問下實Q叔叔先,因為驚佢地當你係賊...
點解我要講細節,係想俾有意參選學生會又無心理準備之人知道內情再作決定.我見過好多year1學生個心好紅,又想參與社會活動,又想為學生發聲.不過我要提提呢班同學,你要做學生會,就一定要識做人.至於我講識做人係乜意思,我不作詮釋,因為講太多其它老鬼就會知道我係邊個,好多同學聯甚至泛民保持良好關係,我未打算死住......希望你地可以早日自己參透其中涵義.
本人宜家對政治感到厭倦,擔任學生會成員一段時間,身心疲憊.學生會亦時不時受到批評,有時係俾同學批評,有時候係社會輿論..其實要做學生會內閣,心理質素要非常好先得,做人都要夠圓滑,就算你想參選學生會,又反對學聯立場,你都要學識如何掩飾自己真心.本人加入時不想涉入政治,純粹抱著為學生服務之熱忱,但最後又抱著無限遺憾甚至悔恨離開.之後回想,其實真係無乜作為.作為學生會成員,除去繼續執行前任學生會施政,就係參加學聯活動,聽學聯支笛.個人同學聯果邊比較少聯繫,亦無乜學聯朋友,但耳目渲染,都大概知道佢地做事手法.如果有得揀,我寧願做番個普通學生.其它大學,據我瞭解,除去公開大學,應該全部都係學聯屬下學生會,所以如果你真係反對學聯又想入閣,真係要學下點做人.
點到即止,講多對我自己無益.總而言之,參與學生會事務令我身心疲憊又令良心倍受煎熬,希望可以以此一吐為快.預祝有意參選者成功.

同文轉發各大討論區,為此我還開了一個新facebook ac.再次希望貴討論區可以保留此文,謝！

JiuJiu123

雖然我不知是否係事實,但係我都對你有如此勇氣表示讃賞!!!

CO2

我不知閣下所言是否事實,但我可以保證一點,我地絕對尊重言論自由.
我問過管理員及超版,之前之所以有部分ac消失,係因為本網站受到黑客三番四次攻擊導致數據丟失.你可以就言論自由問題放心.

Jacob

CO2 發表於 2011-8-22 16:19
我不知閣下所言是否事實,但我可以保證一點,我地絕對尊重言論自由.
我問過管理員及超版,之前之所以有部分ac ...

明白,對貴討論區遭攻擊深表遺憾.

孤寂如雲

寫得咁鬼長{:terrible:}
上次你果篇我有幸拜讀，雖然被黑客洗掉了，但這次的更詳細······
是不是要感謝黑客迫使你寫出更詳細的文章呢？

Julie_Aston

既然樓主鍥而不捨又寫一次,我不妨又鍥而不捨回應一次.
事發時我亦在城大校園,負責國X會論壇後勤工作.果晚的而且確搞緊批鬥會.

孤寂如雲

Julie_Aston 發表於 2011-8-22 17:08
既然樓主鍥而不捨又寫一次,我不妨又鍥而不捨回應一次.
事發時我亦在城大校園,負責國X會論壇後勤工作.果晚的 ...

城大國是會？我見過個主席，請問你係？

bluemoon

香港有樓主,仲有希望!!

糊塗大師

真係小喇叭{:sodizzy:}

Jacob

bluemoon 發表於 2011-8-23 21:38
香港有樓主,仲有希望!!

過獎..

孤寂如雲

今日看了蘋果日報的新聞，我真正地相信學生會的實質了。

小女女

孤寂如雲 發表於 2011-8-27 13:58
今日看了蘋果日報的新聞，我真正地相信學生會的實質了。

{:sodizzy:}今年一定系亂的...有佢亂...亂先可以有機會撥亂反正.....

孤孤...me行開一陣...要湊貓b呀...要餵奶....

孤寂如雲

小女女 發表於 2011-8-27 14:04
今年一定系亂的...有佢亂...亂先可以有機會撥亂反正.....

孤孤...me行開一陣...要湊貓b呀...要餵奶 ...

我心中隱約對這種事實感到恐懼。是的，我想不到純潔的校園也被侵蝕了。

小女女

孤寂如雲 發表於 2011-8-27 14:07
我心中隱約對這種事實感到恐懼。是的，我想不到純潔的校園也被侵蝕了。

由d牛鬼蛇神一一出哂黎先吧....巳經出左伴扮建制既走狗孽瘤出黎...傷害會少好多了...香港呢幾年真系好多野要執返正...公平競爭法..一定要反....個草案跟本吾系正苦諗出黎...系裡應內合既走狗一齊夾份做的...情況同派電燈膽一樣.....

阿爺的十二五規劃...千奇咪俾孽瘤介入........叫田二少退黨吧...一個叻既企業家使鬼俾呢d八婆利用同合作咩.....

Julie_Aston

正一垃圾學生會{:sodizzy:}

孤寂如雲

樓主加油，港大有老鬼與你同一陣線。
YOU ARE NOT ALONE. YOU WILL NEVER BE ALONE.

Julie_Aston

LU候選主席自認共產黨,俾人炒lu{:disagree:}

Smeque

密報:公開大學3號內閣Puzzle聯同現任內閣某成員R君做評議會主席文章,蘋果日報寫文話評議會主席個老豆係曾偉雄,又話佢親建制反民主
又做2號候選內閣Nexus文章,話佢地係建制派打入公開大學特務,叫人唔好投佢地

以上係公開資料.

我係OU舊生,拜托某人成功得到以下情報:
Puzzle候選主席同現任學生會內閣R君一樣係高登某活躍會員,已經多次參與高登舉辦活動.
兩個人半年前已經開始半公開接觸討論參選.
公開大學3號內閣Puzzle成員係學聯外圍組織,雖然並無正式加入學聯,但係已經不斷磋商加入適宜,目前停留係會費問題未解決.
Puzzle有人係泛民成員,同學聯接觸已經暗示會助泛民政黨打入OU,希望學聯支持,免除部分會費(OU學生會好摺,無太多經費).作為回報Puzzle會參與學聯活動,包括六四等等社運.
Puzzle如果上任,會正式批鬥現任評議會,而且會私下掌控下一任評議會主席人選,但係個人覺得要達到企圖好難好難.