前線警員心聲：警隊遲援 輸裝備輸陣 政府軟弱 敢拉唔敢告

morris_2007

防暴警員當晚只配備警棍和圓盾，難以抵擋暴徒的磚雨攻擊。

旺角大年初一深夜至年初二發生「六七暴動」以來最嚴重的暴亂事件，造成最少共一百三十人受傷，當中大部分、多達九十人為警員。多名前線警員在暴亂後，在網上或電郵向本報吐苦水、表心聲，他們除不齒暴徒惡行，亦炮轟政府及警隊表現軟弱，姑息養奸，當晚人手及裝備不足，令同袍被暴徒追打圍毆。有前線警員批評政府對發起佔領行動的政客及「黃絲」示威者「敢拉唔敢告」，就算上法庭亦獲放生或輕判，令暴徒更有恃無恐。有警員質疑為何遲遲不准他們施放催淚彈或橡膠子彈，令同袍只能在無甚效用的警棍和後果嚴重的警槍中二選一。有立法會議員批評政府及警隊過往太軟弱，形同推前線警員「去送死」。

暴徒磚雨圍攻 眾警忍辱瑟縮

暴徒於大年初二大肆搗亂旺角，惟警方準備嚴重不足，不僅人手少、裝備缺，增援遲，令警員在事發初期，被人數及裝備均較佳的暴徒追打。有欠缺防暴裝備的交通警員，面對近百暴徒衝擊圍毆，最終被迫鳴槍示警保命。面對暴徒就地取材，遠距離投擲磚頭等雜物，盾牌數目不足的警員亦只能「硬食」，多人被掟至頭破血流。另有駛經警車成為暴徒破壞目標，車上警員只能瑟縮車內，任由暴徒以垃圾桶、石磚及長竹襲擊警車。

怕拉帶頭政客 告到法庭又放

有休班前線警員直指，今次暴亂根本是意料中事，底因是政府及警隊過往表現軟弱，令激進本土派人士的暴行變本加厲：「佔中過後政府一直唔敢拉帶頭政客，敢拉又唔敢告，告到法庭又放，就算入罪都只係判甚麼服務令罷了，一直犯法都不用負責，激進派就更加放肆了。」

另有前線警員質疑警隊當晚未有做好情報搜集，遲遲未將武力升級，也無為同袍提供足夠裝備，令同袍被迫近距離與暴徒肉搏，單計西九機動部隊B連的一個小隊，四十一中便有卅二人受傷。「點解一口煙（催淚彈）都無燒，是否有低智長官下令不准燒煙？同袍要近距離接觸，導致一係用棍追人扑頭或者跳升直接用殺人武器。」另一前線警員亦說：「面對暴徒，要我們以血肉之軀上前驅散，令我們受傷人數眾多，其實我們還有好多武器可以用，如催淚彈等，但無一個高級管理層敢下命令用，個個都怕負責，怕影響自己仕途。」

有催淚彈唔用 推前線警去死

前線警員又力撐當晚向天鳴槍的交通警員：「我相信在場人員可以掉頭一走了之，比起開槍後面對繁複的調查（更有可能影響仕途）更加容易，但作為一個正常市民，願意見到警察遇事落荒而逃嗎？」

理工大學社會政策研究中心主任鍾劍華指出，政府未有處理好新春期間的無牌小販問題，以致被本土派將事件「放到好大」，而當晚由一般警民衝突演變成暴亂，升溫得極快，但警員人手和準備都不足，令大量缺乏防暴裝備的警員捱打，他認為政府長遠要處理好相關政策問題，警方亦應檢討處理人群聚集的策略。

立法會議員葛珮帆表示：「見到有警員被人用磚頭追打，都唔敢用催淚彈，警隊好似唔識變通咁，可能因為上次佔領行動用催淚彈畀人鬧，但磚頭真係可以打死人，嗰晚睇電視真係睇到好嬲！」她又質疑，警隊早已獲得撥款購買水炮車，但時至今日還在招標階段，無疑是推前線同袍去送死。

部分前線警員心聲

休班警員「文」

‧佔中過後政府一直唔敢拉帶頭政客，敢拉又唔敢告，告到法庭又放，就算入罪都只係判甚麼服務令罷了，一直犯法都不用負責，激進派就更加放肆了。

‧各樣先進出色的裝備，原來只在警隊開放日表演時有用，真可笑！

警長A

阿Sir（上級），隻狗吠我，我唔會X番佢，行行吓有個XX吐我口水，我唔會同佢一人一啖鬥遠，你覺得係克制，我覺得係修養，但依家我哋畀人擲磚擲花盆擲火把，你叫我form條check line企定定頂，又唔推進又唔撤退，等乜X嘢呀？

警長B

點解會有咁多同事受傷，其實除咗暴徒用磚掟傷同事外，最重要係我哋無武器，自從佔中時使用過催淚彈後就已等同唔畀用，因為要長官孭飛批准，呢班唔做唔錯等升級嘅尊貴長官又點會孭飛，阿豬阿狗都知道，所有高層包括特首都唔喜歡我哋用槍，可能驚傳媒作大好似核彈咁厲害。

前線警員C

前線人員要遵從命令，企喺度罵不還口，打不還手，不能退，更不得進。寫字樓嘅警隊高官繼續升官發財，前線卑微人員繼續死嘅死，傷嘅傷，拉嘅拉，今日嘅暴亂，將來一定繼續喺香港發生，更可能成為本土文化之一，唯一唔同係前線人員批准可用嘅武器會愈來愈少，到最後可能要赤條條企喺度任打至死。

前線警員D

‧點解一口煙（催淚彈）都無燒，是否有低智長官下令不准燒煙？同事要近距離接觸，導致一係用棍追人扑頭或者跳升直接用殺人武器（槍）。

‧如果話政治考慮或影響民居，我覺得可將PTU學到嘅防暴技巧，打包交番俾校長。

東方日報